استجوابات لكل بنوتات المنتدى (قطرة الندى)

[b]ربنايخليكىياماسةعلى كلامك الجميل ويارب
اجاباتى تعجبك

1-ايه الصفات اللى لازم تكون موجودة فى شريك حياتك وعمرك ماهتتنازلى عن انها تكون موجودة فيه؟؟
التدين _الاخلاق_انه يكون محبوب من الناس_اكيدلازم يحبنى _يحترمنى_ويحترم والدى ووالدتى قبل منى

-ايه الصفات اللى عمرك ماتوافقى على شخص متقدملك لو لقيتى حاجة منها موجودة فيه؟؟
انه يكون مستهتر_ومش بيصلى_ودمه تقيل_مش محبوب من الناس

-هل ممكن توافقى على شخص متقدملك لمجرد انك شعرتيله بالارتياح_ أم لازم تحسى من ناحيته بالحب؟؟
لوفيه الصفات الاساسيةومرتحاله اكيدمع الوقت الحب هينبض بقلبى وهوافق عليه

4-من وجهة نظرك _ايه أهم لنجاح الخطوبة والزواج (الحب- التفاهم- الصراحة-أشياء اخرى)؟؟
الحب _لان الحب هوالتفاهم وهوالصراحة الحب هوتفكيرواحدوقلب واحدروح واحدة الحب هواساس
نجاح اى علاقة بس الحب الحقيقى طبعا

5-ما فرق السن المناسب بالنسبالك عشان ترتبطى بشريك العمر؟؟ وهل لازم يكون أكبر منك؟ أم من الممكن توافقى على شخص من نفس سنك ؟او حتى أصغر منك؟؟ (مع ذكر السبب عند كل إجابة)
اهم شئ انه يكون عدى العشرين لانه بكده يكون تفكيره ناضج وقدريفهم الدنياويكون مربمواقف فى حياته اتعلم منهاحاجات كتير_لكن اصغرمنى دى مستحيلةلانى هحس دايمابانى الاكبرومش هحس انه يعتمدعليه

6-أيهما تفضلين....الارتباط بشخص عرفتيه وعرفك من خلال الزمالة مثلا أم الارتباط عن طريق الأهل؟؟ ولماذا؟؟
انااتمنى اكون للشخص اللى احبه بقلبى وبعقلى لانى عمرى ماهحب حدمش متوافق مع عقلى واخلاقى وطبعااهلى يكونوموافقين عليه لان هماالاساس

7-لو اتقدملك شخص وانتى مقتنعة تماما بيه وموافقة عليه...بس اهلك رافضين...تعملى ايه ؟؟
لوهوفعلايستاهل هحاول اقنعهم واعرف وجهةنظرهم يمكن هماشايفين فيه حاجةانامش شايفاها لان ساعات الحب بيكون اعمى

8-لو متقدملك شخص ولسة أول مرة تقعدى معاه .....ايه الأسئلة اللى تسأليهاله أو المواضيع اللى تتكلمى معاه فيها عشان تعرفى شخصيته وتقدرى تحكمى عليه؟؟ (الحكم طبعا من ناحية المبدأ فقط)
بصراحةمش عارفة بس ممكن اساله عن تعاملاته مع الناس فى مواقف مختلفة واسالة اقدرمن خلالها
اعرف مدى تفكيره كده يعنى

9-هل فعلا ممكن تحكمى على شخص من خلال كلامه أم لازم تحصل مواقف تبينلك شخصيته.....والمواقف دى تعرفيها ازاى (ممكن تعمليله اختبارات من غير ماتحسسيه- بتكتفى بالمواقف اللى سمعتيها عنه من اللى حواليه- سايباها بظروفها)؟؟
لاطبعاالكلام معاه لمجردالوصول لدرجةتفكيره وكده انماالانسان فى الاساس عبارة عن مواقف فلازم احطه فى اصعب المواقف من غير مايحس لحدماعرف شخصيته الحقيقية

شوفتى انادخلت وجاوبت بسرعةازاى لانى مش اقدرارفضلك طلب ياروحى
وانافى انتظارباقى الاسئلة

منورة والله ياقمر

رجعتلك تانى

ركزى بقى

ثانيا: أسئلة خاصة بالخطوبة

قابلتى الشخص واستخرتى ربنا وارتاحتيله وأهلك وافقم وانتى وافقتى الحمد لله
ألف مبروووووووووووك....
جينا بقى للخطوبة اللى طبعا كل بنت فينا بتتخيل ملامحها


1-تفضلى تتخطبى وانتى لسة بتدرسى؟ ام بعد ما تنتهى من دراستك؟ولماذا؟

2-تفضلى تعملى حفلة خطوبة وكده ؟أم تكتفى بتلبيس دبل (ع الضيق يعنى )؟

3- إذا كنتى تفضلى تعملى خطوبتك..... تحبى تكون عندكم فى البيت؟ ولا فى قاعة أفراح؟

4- فستان خطوبتك......حاولى تتخيلى حابة يكون فستانك يومها ازاى؟ _استايله_لونه ايه ؟ وتحبى مين اللى يختاره معاكى ؟؟

5- خطيبك ان شاء الله....ازاى خلال فترة الخطوبة تفهميه وتعرفى شخصيته اكتر؟؟

6-أيهما تفضلين...فترة الخطوبة القصيرة أم الطويلة ؟؟ ولماذا؟؟

7- أثناء فترة الخطوبة.....عيوبك أوالنقط السلبية اللى فيكى... تحبى تصارحيه بيها ؟؟ أم تسيبيه هو يكتشفها بنفسه؟؟

قومتى بالسلامة وجبتى مولود ان شاء الله زى ماتحبى

نخش بقة ع الجد الحياة والواقع والمسؤلية وكدا يعنى
1- تعملى اية لو والد جوزك او والدتة صممو يسمو المولود على اسمهم بالرغم ان الاسم دة قديم جدا وكبير ومش حلو ؟؟؟


2- لو جات فرصة انك تشتغلى بعد الجواز هتوافقى ولا لا ؟؟

3-هتعملى اية عشان توفقى بين بيتك وجوزك واولادك وشغلك ؟؟


ولغاية هنا خلصت الاسئلة

معلش بقى انا كان عندى ظروف مكنتش عارفة اكمل معاكة معلش

بس قولت اكتبلك الاسئلة كلها مرة واحد عشان تلحقى تجاوبى قبل ماتتجوزى

اتمنالك حياة سعيدة يارب

يلا جاوبى بقى

باى ياقمر

منورة والله ياقمر
ده نورك ياجميل
رجعتلك تانى
واناكنت فى انتظارك
ركزى بقى
انتى تؤمرى
ثانيا: أسئلة خاصة بالخطوبة
1-تفضلى تتخطبى وانتى لسة بتدرسى؟ ام بعد ما تنتهى من دراستك؟ولماذا؟
بصراحةهوالاحسن بعدالدراسةلكن انايهمنى انى اكون بحبه واهلى موافقين عليه

2-تفضلى تعملى حفلة خطوبة وكده ؟أم تكتفى بتلبيس دبل (ع الضيق يعنى )؟
اى بنت بتكون نفسهاتفرح يبقاليه ع الضيق

3- إذا كنتى تفضلى تعملى خطوبتك..... تحبى تكون عندكم فى البيت؟ ولا فى قاعة أفراح؟
على حسب ظروف العريس

4- فستان خطوبتك......حاولى تتخيلى حابة يكون فستانك يومها ازاى؟ _استايله_لونه ايه ؟ وتحبى مين اللى يختاره معاكى ؟؟
يكون شيك جداورقيق اوى ويكون لونه بمبى اودهبى واحب اختى هى اللى تختاره معايا

5- خطيبك ان شاء الله....ازاى خلال فترة الخطوبة تفهميه وتعرفى شخصيته اكتر؟؟
من خلال كلامه وتصرفاته معاياواكيدهحاول اقرب منه اكتر

6-أيهما تفضلين...فترة الخطوبة القصيرة أم الطويلة ؟؟ ولماذا؟؟
فترةالخطوبةالطويلةاذاكان الاتنين صريحين مع بعض هيقدرويدرسوبعض اكترويتعودوعلى طبع بعضهم وبكده نسبةالمشاكل بعدالزواج هتكون اقل

7- أثناء فترة الخطوبة.....عيوبك أوالنقط السلبية اللى فيكى... تحبى تصارحيه بيها ؟؟ أم تسيبيه هو يكتشفها بنفسه؟؟
اناهتصرف امامه بطبعتى سواءبالسلبيات اوالايجابيات عشان مش ييجى بعدكده ويتصدم هههههههه

ثالثا: أسئلة خاصة بليلة العمر

1-تختارى فستان العمر قبلها بفترة أد ايه ؟؟
اختارالفستان قبل الفرح بشهرمثلا


2- تحبى مين اللى يشاركك اختيار فستانك ( أكتر حد بتثقى فى ذوقه وتحبى تاخدى رايه )؟؟
انابقتنع بذوقى بس ده مش يمنع انى استشيراختى

3- ناوية تكونى محجبة يومها؟؟
اكيدبس هتكون مينى حجاب

4- مواصفات شكلك يومها ...الميكب بتاعك ...حجابك او تسريحتك....فستانك بطرحة أم من غير...كل الحاجات دى ذوقك فى اختيارها يكون ازاى؟؟
الميك لازم يكون ناعم ورقيق الحجاب يكون بسيط وجميل والفستان يكون بطرحةطولهامتوسط من الاخرعاوزةشكلى يكون هادى ورقيق مش شاذبالجليتروالحاجات دى يعنى

5- وبرضو مين اكتر حد تحبى تاخدى رأيه فى الاختيارات السابقة؟؟
هاخدرأي اختى

6-لو ليكى واحدة صاحبتك خطيبك مش بيرتاحلها وانتى عارفة .....تعزميها فى فرحك أم لا؟؟
مهماكان دى صحبتى ومش هقدراتخلى عنهاومش اعزمهاوممكن هويعصرعلى نفسه لمونه هههه

7-مين أول حد عمرك ماهتنسى انك تعزميه/ا _ان شاء الله؟؟
واحدةصحبتى بحبهااوى

برضة هاجى تانى
وانافى انتظارك

كمل ........
اوك

- تعملى اية لو جوزك قالك اتنازلى عن الفرح واجيبلك شبكة كبيرة شوية ؟او اتنازلى عنة خالص من غير اى ظروف تمنع ؟ شايف انة مالوش لزمة يعنى ؟
هقوله شوفلك عروسةغيرى هههه اكيدلازم اعمل فرح دى فرحت العمرمرةواحدةده طبعالوالظروف مش تمنع كده

2-طيب ان شاء الله هتعملى فرح وانتى رايحة القاعة تحبى تركبى عربية لونها اية ؟؟
تكون لونهافضى ومتزينةبالورد

3- طيب تحبى تعملى الفرح فى قاعة ولا مركب ولا شارع ولا اية يعنى ؟؟
ياريت يكون فى باخرةوسط النيل

4- ان شاء الله هتعملية فى قاعة جامدة تحبى يكون شكلها اية وفى الدور الكام واسعة ضيقة اية يعنى ؟؟؟
ماناقولت وسط النيل ياجميل

-اما الكوشة بقى تصميمها اية فى خيالك ولونها وكدا ؟؟
تكون كبيرةوكلهاستاير بمبى فى ااى كلمه اخرى والقاعدةتكون ليزر

6- وانتو بتتصور صور الفرح طبعا انهى منظر تحبى تعملية يكون عجبك اوى شوفتى واحدة صحبتك اتجوزت وعملتة مثلا الصورة اللى هتتكبر وتتعلق فى شقتك ؟
اكتر صورةبتعجبنى صورةعمروسلمى

7 طب تحبى تعلقيها فين فى الشقة؟؟
فى غرفةالمعيشةبين ستارةحرير

8- فى بداية الفرح تحبى ترقصى انتى وجوزك slow على اغنية اية ؟؟
على اغنيةضمينى وانسى الدنيا ل(ايمان البحر)

9- وتحبى تغنيلة اية ؟
اغنية اه لوتعرف (نجات الصغيرة)

10- ويغنيلك اية ؟؟
تعرفى بحلم ايه(تامر)

11- تحبى يبقى نظام الفرح ازاى مطربين ولا دى جى ؟؟
دى جى احلى

- ولو مطربين ستات ولا رجالة ؟؟
ولاده ولاده

- طيب لو هتقدرى تجيبى فى فرحك مطربين مشهورين هتجيبى مين ؟
مش عارفةاصل مش ليافى الاعجاب بالمطربين وكده

- بصى فى حد معين تحبى ميحضرش الفرح ؟؟
اى حديكرهنى مش هكون سعيدةبوجوده

- نكمل فى فقرة الرقص بقى مخططة ترقصى مع اصحابك ولا هتتفرجى بس ؟؟
لاطبعااكيدهرقص دانااللى علمت فيفى الرقص ههه


- طيب لو هترقصى ..هترقصى مع مين بنات و وولاد؟؟
بنات هيكونواصحابى واختى وولادهيكونواخواتى وازواج اخواتى الاتنين

-ياترى بقى المعازيم الغلبانين الجعانين هتقدمو ليهم اية ؟؟
طبعاهياكلووهيشربو وهيحلوكمان يالاخليهاعلياالمرةدى ان شاالله ماحدحاوش

طيب شوية افتراضات رخمة بتحصل فى الفرح ان شاء الله مش هتحصل فى فرحك بس نحب نعرف لقدر الله لو حصل هتعملى اية
ربنايستر

- تعملى اية لو واحدة جات وانتو فى الكوشة سلمت على جوزك وباستة ؟؟
عادى يعنى هقتلها



تعملى اية لو الكهرباء قطعت فى او الفرح وممكن تتصلح بعد شوية هتستنى ولا ولا تمشى ؟؟
لاهستنى وعلى قلبهم للصبح

- طيب لو جوزك عمال يرقص مع اصحابة وفجأءة جات بنت ومسكت ايدة ورقصت معاة هتعملى اية ؟؟
عادى هنزل اشيل اديهامن ايديه وارقص انامعاه وهسجل شكلهافى ذاكرتى ومش هسيبهاالالماتقول الموت ارحملى

21- تعملى اية لو العصير اتكب على الفسان فى الاول كدا العين حسدت يعنى ؟؟
هتنرفزطبعاوهتعصب جدااااااا وهروح ماشيةمن الفرح


22- تعملى اية لو عملتى مفجأءة لجوزك يوم الفرح ولبستى عريان شوية واول ما شافك زعل وقالك يلا نروح مش رايحين الفرح ؟؟
هاقوله هروح اناالفرح وحدى مش مهم انت بس طبعااناعمرى ماهبين حاجةمنى


23-طيب ورة شوية لو رحتى تجيبى يوم الفرح الفستان لقيتى الاتلية قافل وعندهم ظرف ومش فاتحين انهاردة ؟؟
هتصل بصاحب الاتيليه واطلب منه ييجى يدينى فستانى باى طريقةلانى مش هاجل الفرح عشان خاطرعيونه

المهم ان شاء الله الفرح خلص وكان يوم جميل ومحصلش الكلام دة تحبى يخلص الفرح الساعة كام ؟؟
يعنى الساعةاربعةخامسةالفجرمش يخلص خالص عادى ادينى أعدة ههههه

25- طيب وانتو مروحين تحبو تروحو مكان هادى تقعدو فية شوية بعد الفرح (فى ناس على فكرة بتمل كدا ) ولا تروحو على طول ؟؟
لوعليامش هكون عاوزةاروح بس لازم نقعدفى مكان رومنسى الاول


26- ياترى بقى لو هتقضو شهر العسل هتروحى فين ونفسك تفضلى اد اية ؟؟
هنروح بورسعيدلانى بحبهااوى وهفضل لحدماالفلوس تبتدى تفنيش

1- تحبى بيتك كام غرفة ؟
غرفةاطفال ونوم ومعيشةوصالةكفايةكده عليه

2- واية هو فرشهم ؟
يكون احدث فرش ويتسم بالبساطة

3- والوان الحيط اية ؟
يعنى مش لون واحدبس يكون احدث استايل وخلفيات وكده

4- والستاير الوانها اية ؟
تكون الوانهالايقةمع الوان الحيط والفرش

5- بالنسبة للبس فى ايام الفرح عروسة وكدا تحبى الوان اية ؟
ااى كلمه اخرى وبمبى وتركواز وموف يعنى الوان مفرحة

6- تحبى اول خروجة بعد شهر العسل تروحو فين وتلبسى اية ؟
نروح وادى الرايان اللى اتعمل فيه فيلم هيما والبس فستان شيك

خلاص بقى خلصت اول ايام الفرح وبقيتى عروسة قديمة شوية (يارب ان شاء الله تبقى ايامك كلها فرح وحياتك كلها عسل وتفضلى طول عمرك عروسة جميلة ومتجددة ديما)
ربنايخليكى ياقلبى
المهم نروح بقى مرحلة تانية
وانامعاكى

7- تحبى تخلفى لو ربنا اراد يعنى على طول ولا امتة؟
يعنى من بعدمشيئةالله يكون بعدسنتين

8- طب تحبى تخلفى كام ؟
ولدوبنت واحمدربى على كده

9- وتسميهم اية ؟
جنى وأحمد

10- والفترة بين كل مولود اد اية ؟
ثلاث سنين

11- واول طفل ليكى تحبى يبقى ولد ولا بنت ؟
يارب تكون البنت

12- طول فترة حملك ان شاء الله تحبى تعملى كل حاجة بنفسك ولا مامتك تعملك ؟
لاانااللى اعملهاوهوكمان يساعدنى فى الحاجات الصعبة

قومتى بالسلامة وجبتى مولود ان شاء الله زى ماتحبى
ياااااااارب

نخش بقة ع الجد الحياة والواقع والمسؤلية وكدا يعنى
ايوة نبتدى الجوازاللى على حق

1- تعملى اية لو والد جوزك او والدتة صممو يسمو المولود على اسمهم بالرغم ان الاسم دة قديم جدا وكبير ومش حلو ؟؟؟
اصلاالاسم بيكون مختارعندالله قبل مانااختاره سواءعجبنى اولافليه اعمل مشكلةعلى حاجةتافهة

2- لو جات فرصة انك تشتغلى بعد الجواز هتوافقى ولا لا ؟؟
هوافق لوعشان بس اساعده لماالظروف تتلغبط

3-هتعملى اية عشان توفقى بين بيتك وجوزك واولادك وشغلك ؟؟
هعمل اللى يقدرنى عليه ربنا

ولغاية هنا خلصت الاسئلة

معلش بقى انا كان عندى ظروف مكنتش عارفة اكمل معاكة معلش
بس قولت اكتبلك الاسئلة كلها مرة واحد عشان تلحقى تجاوبى قبل ماتتجوزى
اتمنالك حياة سعيدة يارب
ولايهمك ياروحى وربنايخليكى ويسعدك فى حياتك
يلا جاوبى بقى
اناجاوبت ياجميل
باى ياقمر
بااااااااى يارق واجمل ماسةفى الكون

لا اجاباتك روعه بس حاسس انك مش صريحه فى بعضها

والله ياشريف اناجاوبت على كل سؤال بكل صراحةبس فى كام واحدكده هزرت فيه

اوك ياصريحه

على فكره ياشريف

لسه فيه حكم اداريه عليا

والقضاء الادارى

يا عم قاضى الحق

عندك حق والله يا مسلم