استجوابات لكل بنوتات المنتدى (ايــــــــــــــــمى )

ميرسى يا حياتى ع الكلام الحلو

انا هجاوب لاجل عيونك يا قمر


أولا : أسئلة خاصة بشريك العمر


1-ايه الصفات اللى لازم تكون موجودة فى شريك حياتك وعمرك ماهتتنازلى عن انها تكون موجودة فيه؟؟
اولا يكون عارف ربنا ويكون راجل بجد يخاف عليه ويحمينى ويعوضنى ويحبنى ويكون حنين ويتقى ربنا فيه

2-ايه الصفات اللى عمرك ماتوافقى على شخص متقدملك لو لقيتى حاجة منها موجودة فيه؟؟
قاسى وبخيل

3-هل ممكن توافقى على شخص متقدملك لمجرد انك شعرتيله بالارتياح_ أم لازم تحسى من ناحيته بالحب؟؟
الارتياح بيجى بعده الحب

4-من وجهة نظرك _ايه أهم لنجاح الخطوبة والزواج (الحب- التفاهم- الصراحة-أشياء اخرى)؟؟
التفاهم والصراحه والمعامله الطيبه واهم حاجه الثقه

5-ما فرق السن المناسب بالنسبالك عشان ترتبطى بشريك العمر؟؟ وهل لازم يكون أكبر منك؟ أم من الممكن توافقى على شخص من نفس سنك ؟او حتى أصغر منك؟؟ (مع ذكر السبب عند كل إجابة)
اصغر لا طبعا لانه دايما هيبقى حاسس انى اكبر منه وان فيه نقص بينا ف البدايه مش هيبان ده لكن بمرور الوقت هيبان وكمان البنت بتكبر عن الولد وبيبان السن عليها فهيبص لغيرها فيبقى ليه احط نفسى ف موقف محرج

نفس السن ممكن بس احب يكون اكبر منى ب 3 سنين

6-أيهما تفضلين....الارتباط بشخص عرفتيه وعرفك من خلال الزمالة مثلا أم الارتباط عن طريق الأهل؟؟ ولماذا؟؟
متفرقش معايا المهم اكون مرتاحه للشخص ده بس صدقينى كل ما تبعدى عن القرابه كل ما المشاكل تقل

7-لو اتقدملك شخص وانتى مقتنعة تماما بيه وموافقة عليه...بس اهلك رافضين...تعملى ايه ؟؟


8-لو متقدملك شخص ولسة أول مرة تقعدى معاه .....ايه الأسئلة اللى تسأليهاله أو المواضيع اللى تتكلمى معاه فيها عشان تعرفى شخصيته وتقدرى تحكمى عليه؟؟ (الحكم طبعا من ناحية المبدأ فقط)
بما ان بنوته فانا اول مرة مش هسال خالص انا هسمع بس واشوف طريقته ف التعامل وهسيبه هو يسال عشان اعرف بيفكر ازاى

9-هل فعلا ممكن تحكمى على شخص من خلال كلامه أم لازم تحصل مواقف تبينلك شخصيته.....والمواقف دى تعرفيها ازاى (ممكن تعمليله اختبارات من غير ماتحسسيه- بتكتفى بالمواقف اللى سمعتيها عنه من اللى حواليه- سايباها بظروفها)؟؟
بصى انا مبحكمش ع حاجه م كلام سمعته لازم اشوف بعينى وبعدين فيه اشخاص بتتجمل ف الكلام لكنها شخصيات سيئه ومتحبيش تتعاملى معاها


طبعا انتى فهمتى النظام يعنى لسة قدامك بدرى

وعلى فكرة الاسئلة هتتغير من واحدة لواحدة
اوك يا قلبى انا معاكى اهو بس يارب الاجابات تعجبكم

وعايزة اشوف تعليقاتكم

اية دة ياولاد برنسيسة والله

يالهوى ع الكلام الجامد

معلش يا حياتى مخدتش بالى والله م السؤال ده



لو اتقدملك شخص وانتى مقتنعة تماما بيه وموافقة عليه...بس اهلك رافضين...تعملى ايه ؟؟

هتكلم معاهم واشوف وجهه نظرهم يا يقنعونى او اقنعهم بس غ الاول والاخر هما ليهم خبرتهم ونظرتهم اعمق منى

فالطبيعى هحاول افهم هما عايزين ايه واكيد رفضهم هيكون خوف عليه

لان هيكونو شايفين حاجه انا مش شيفاها

نكمل بقى

ثالثا: أسئلة خاصة بليلة العمر

تمت الخطوبة بنجاح والحمد لله
أكيد واجهتكم بعض العقبات بس ربنا وفقكم وقدركم عليها عشان كاتبكم لبعض
وحددتم خلاص معاد الفرح
ألف مبرووووووووووووووووك... بس المرة دى طبعا للفرحة الكبيرة...فرحة العمر

1-تختارى فستان العمر قبلها بفترة أد ايه ؟؟

2- تحبى مين اللى يشاركك اختيار فستانك ( أكتر حد بتثقى فى ذوقه وتحبى تاخدى رايه )؟؟

3- ناوية تكونى محجبة يومها؟؟

4- مواصفات شكلك يومها ...الميكب بتاعك ...حجابك او تسريحتك....فستانك بطرحة أم من غير...كل الحاجات دى ذوقك فى اختيارها يكون ازاى؟؟

5- وبرضو مين اكتر حد تحبى تاخدى رأيه فى الاختيارات السابقة؟؟

6-لو ليكى واحدة صاحبتك خطيبك مش بيرتاحلها وانتى عارفة .....تعزميها فى فرحك أم لا؟؟

7-مين أول حد عمرك ماهتنسى انك تعزميه/ا _ان شاء الله؟؟

برضة هاجى تانى

1-تختارى فستان العمر قبلها بفترة أد ايه ؟؟
قبلها باسبوع

2- تحبى مين اللى يشاركك اختيار فستانك ( أكتر حد بتثقى فى ذوقه وتحبى تاخدى رايه )؟؟
شريك حياتى

3- ناوية تكونى محجبة يومها؟؟
طبعا

4- مواصفات شكلك يومها ...الميكب بتاعك ...حجابك او تسريحتك....فستانك بطرحة أم من غير...كل الحاجات دى ذوقك فى اختيارها يكون ازاى؟؟
انا بحب المكياج الخفيف والحاجات الرقيقه فمش هبقى اوفر اوى هكون بسيطه جدا

5- وبرضو مين اكتر حد تحبى تاخدى رأيه فى الاختيارات السابقة؟؟
شريك حاتى

6-لو ليكى واحدة صاحبتك خطيبك مش بيرتاحلها وانتى عارفة .....تعزميها فى فرحك أم لا؟؟
ايوة هعزمها لان صحبتى وليه حق عليها زى ما انا مليش دعوة بصحابه والحاجت دى مدخلش بينهم هو كمان بس لو مش محترمه وعايزنى ابعد عنها لازم ابعد

7-مين أول حد عمرك ماهتنسى انك تعزميه/ا _ان شاء الله؟؟
لو مخدتش ايلى بحبه هعزمه

كمل ........

1- تعملى اية لو جوزك قالك اتنازلى عن الفرح واجيبلك شبكة كبيرة شوية ؟او اتنازلى عنة خالص من غير اى ظروف تمنع ؟ شايف انة مالوش لزمة يعنى ؟

2-طيب ان شاء الله هتعملى فرح وانتى رايحة القاعة تحبى تركبى عربية لونها اية ؟؟

3- طيب تحبى تعملى الفرح فى قاعة ولا مركب ولا شارع ولا اية يعنى ؟؟

4- ان شاء الله هتعملية فى قاعة جامدة تحبى يكون شكلها اية وفى الدور الكام واسعة ضيقة اية يعنى ؟؟؟

5-اما الكوشة بقى تصميمها اية فى خيالك ولونها وكدا ؟؟

6- وانتو بتتصور صور الفرح طبعا انهى منظر تحبى تعملية يكون عجبك اوى شوفتى واحدة صحبتك اتجوزت وعملتة مثلا الصورة اللى هتتكبر وتتعلق فى شقتك ؟

7 طب تحبى تعلقيها فين فى الشقة؟؟

8- فى بداية الفرح تحبى ترقصى انتى وجوزك slow على اغنية اية ؟؟

9- وتحبى تغنيلة اية ؟

10- ويغنيلك اية ؟؟

11- تحبى يبقى نظام الفرح ازاى مطربين ولا دى جى ؟؟

12- ولو مطربين ستات ولا رجالة ؟؟

13- طيب لو هتقدرى تجيبى فى فرحك مطربين مشهورين هتجيبى مين ؟

14- بصى فى حد معين تحبى ميحضرش الفرح ؟؟

15- نكمل فى فقرة الرقص بقى مخططة ترقصى مع اصحابك ولا هتتفرجى بس ؟؟

16- طيب لو هترقصى ..هترقصى مع مين بنات و وولاد؟؟

17-ياترى بقى المعازيم الغلبانين الجعانين هتقدمو ليهم اية ؟؟

طيب شوية افتراضات رخمة بتحصل فى الفرح ان شاء الله مش هتحصل فى فرحك بس نحب نعرف لقدر الله لو حصل هتعملى اية

18- تعملى اية لو واحدة جات وانتو فى الكوشة سلمت على جوزك وباستة ؟؟

19- تعملى اية لو الكهرباء قطعت فى او الفرح وممكن تتصلح بعد شوية هتستنى ولا ولا تمشى ؟؟

20- طيب لو جوزك عمال يرقص مع اصحابة وفجأءة جات بنت ومسكت ايدة ورقصت معاة هتعملى اية ؟؟

21- تعملى اية لو العصير اتكب على الفسان فى الاول كدا العين حسدت يعنى ؟؟

22- تعملى اية لو عملتى مفجأءة لجوزك يوم الفرح ولبستى عريان شوية واول ما شافك زعل وقالك يلا نروح مش رايحين الفرح ؟؟

23-طيب ورة شوية لو رحتى تجيبى يوم الفرح الفستان لقيتى الاتلية قافل وعندهم ظرف ومش فاتحين انهاردة ؟؟

24المهم ان شاء الله الفرح خلص وكان يوم جميل ومحصلش الكلام دة تحبى يخلص الفرح الساعة كام ؟؟

25- طيب وانتو مروحين تحبو تروحو مكان هادى تقعدو فية شوية بعد الفرح (فى ناس على فكرة بتمل كدا ) ولا تروحو على طول ؟؟

26- ياترى بقى لو هتقضو شهر العسل هتروحى فين ونفسك تفضلى اد اية ؟؟

عالعموم روحى شهر العسل بتاعك مع الف سلامة واول ماترجعى ان شاء الله بالسلامة هجيلك تانى عشان لسة بدرى اوك تيجى بالسلامة

1- تعملى اية لو جوزك قالك اتنازلى عن الفرح واجيبلك شبكة كبيرة شوية ؟او اتنازلى عنة خالص من غير اى ظروف تمنع ؟ شايف انة مالوش لزمة يعنى ؟
لا مش هتنازل ده حلم حياه اى بنت

2-طيب ان شاء الله هتعملى فرح وانتى رايحة القاعة تحبى تركبى عربية لونها اية ؟؟
اسود او ااى كلمه اخرى او فضى
اى حاجه ياختى انشاله ع حنطور

3- طيب تحبى تعملى الفرح فى قاعة ولا مركب ولا شارع ولا اية يعنى ؟؟
قاعه لان بحب البحر اوى بس بخاف منه والشارع لا طبعا

4- ان شاء الله هتعملية فى قاعة جامدة تحبى يكون شكلها اية وفى الدور الكام واسعة ضيقة اية يعنى ؟؟؟
والله متفرقش المهم تكون مناسبه بس احب تكون ف الدور التانى

5-اما الكوشة بقى تصميمها اية فى خيالك ولونها وكدا ؟؟
مش عايزة يبقى كراسى لا يبقى شازلونج وكمان تكون الكوشه كبيرة ومفيهاش شغل كتير يبقى ورود بقى وحاجات من دى لا انا هخليها تبقى ستاير نازله بطريقه معينه كده وعليها فرع لمبات صغنون وهخترع وقتها بقى
مش تربيه فنيه

6- وانتو بتتصور صور الفرح طبعا انهى منظر تحبى تعملية يكون عجبك اوى شوفتى واحدة صحبتك اتجوزت وعملتة مثلا الصورة اللى هتتكبر وتتعلق فى شقتك ؟
ان اكون ببص له وبيبصلى واحنا وافين قصاد بعض

7 طب تحبى تعلقيها فين فى الشقة؟؟
ف الصالون وده الطبيعى بس هحط منها نسخه ف اوضه النوم

8- فى بداية الفرح تحبى ترقصى انتى وجوزك slow على اغنية اية ؟؟
واحلم ليه لتامر

9- وتحبى تغنيلة اية ؟
مش هغنى

10- ويغنيلك اية ؟؟
ايلى حاسس بيه

11- تحبى يبقى نظام الفرح ازاى مطربين ولا دى جى ؟؟
دى جى

12- ولو مطربين ستات ولا رجالة ؟؟
رجاله

13- طيب لو هتقدرى تجيبى فى فرحك مطربين مشهورين هتجيبى مين ؟
تامر حسنى

14- بصى فى حد معين تحبى ميحضرش الفرح ؟؟
لا

15- نكمل فى فقرة الرقص بقى مخططة ترقصى مع اصحابك ولا هتتفرجى بس ؟؟
لا مش هرقص الا ع خفيف

16- طيب لو هترقصى ..هترقصى مع مين بنات و وولاد؟؟
لو هرقص هيبقى مع ولاد خالتى بنات واولاد واول حد هيبقى احمد بن خالتى لانه اخويا ف الرضاعه وبيحبنى جدا

17-ياترى بقى المعازيم الغلبانين الجعانين هتقدمو ليهم اية ؟؟
بصى احنا ف كل افراحنا بنقدم كانز وعلب جاتوة فيها حاجات كتير اوى يبقو يكلوها بقى

طيب شوية افتراضات رخمة بتحصل فى الفرح ان شاء الله مش هتحصل فى فرحك بس نحب نعرف لقدر الله لو حصل هتعملى اية

18- تعملى اية لو واحدة جات وانتو فى الكوشة سلمت على جوزك وباستة ؟؟
هقوله مين دى

19- تعملى اية لو الكهرباء قطعت فى او الفرح وممكن تتصلح بعد شوية هتستنى ولا ولا تمشى ؟؟
هستنى دى ليله العمر

20- طيب لو جوزك عمال يرقص مع اصحابة وفجأءة جات بنت ومسكت ايدة ورقصت معاة هتعملى اية ؟؟
بصى احنا ف فرح ومش هعكنن عليه ولا ع نفسى زى ما قرايبى بيرقصو معايا حقه قرايبه يرقصو معاه

21- تعملى اية لو العصير اتكب على الفسان فى الاول كدا العين حسدت يعنى ؟؟
طبعا هزعل بس بنات العيله مش هيسيبونى ع فكره احلى حاجه فينا ان ف المناسبات بنبقى مع بعض ومحدش يحس باى حاجه
لان مرة بنت خالتى فستانها اتقطع وم غير ما حد يعرف صلحناه
ومرة تانيه وحده السوسته بتاع الفستان باظت وبرده اتصلحت ومحدش حس
فانا عارفه ان هما يصلحو الموضوع

22- تعملى اية لو عملتى مفجأءة لجوزك يوم الفرح ولبستى عريان شوية واول ما شافك زعل وقالك يلا نروح مش رايحين الفرح ؟؟
انا طبعا مش هعمل كده لان هبقى محجبه بس هجيب ترحه م الكوافيره واخليها تدارى ده واصالحه بس لما نروح البيت لينا حساب تانى ههههههههههه

23-طيب ورة شوية لو رحتى تجيبى يوم الفرح الفستان لقيتى الاتلية قافل وعندهم ظرف ومش فاتحين انهاردة ؟؟
هتصل ع الست تيجى تجيبهولى وكمان انا هجيبه قبلها بيوم

24المهم ان شاء الله الفرح خلص وكان يوم جميل ومحصلش الكلام دة تحبى يخلص الفرح الساعة كام ؟؟
3 الفجر

25- طيب وانتو مروحين تحبو تروحو مكان هادى تقعدو فية شوية بعد الفرح (فى ناس على فكرة بتمل كدا ) ولا تروحو على طول ؟؟
لا نروح نقعد ع البحر

26- ياترى بقى لو هتقضو شهر العسل هتروحى فين ونفسك تفضلى اد اية ؟؟
هروح اسكندريه ع حسب ما نكون عاملين حسبنا

عالعموم روحى شهر العسل بتاعك مع الف سلامة واول ماترجعى ان شاء الله بالسلامة هجيلك تانى عشان لسة بدرى اوك تيجى بالسلامة

اية يا ايمى

منفضالى لية

لا والله ابدا يا حياتى

انا اقدر

وحشتينى والله يا ايمى ياجميلة

انا رجعتلك تانى

بس ياريت متكونيش اتخنقتى منى

رجع مرجوعنا

قومتى بالسلامة وجبتى مولود ان شاء الله زى ماتحبى

نخش بقة ع الجد الحياة والواقع والمسؤلية وكدا يعنى
1- تعملى اية لو والد جوزك او والدتة صممو يسمو المولود على اسمهم بالرغم ان الاسم دة قديم جدا وكبير ومش حلو ؟؟؟


2- لو جات فرصة انك تشتغلى بعد الجواز هتوافقى ولا لا ؟؟

3-هتعملى اية عشان توفقى بين بيتك وجوزك واولادك وشغلك ؟؟


والى هنا قد انتهينا

واتمنى ليكى حياة سعيدة وربنا يرزقك بزوج صالح يسعدك وزرية صالحة يارب

باااااااااااااى