موضوع مهم جدا

[justify]بسم الله الرحمن الرحيم

جاتلي فكره بس ياريت تعجبكم........

عوزين نعمل حاجه زي كرسي الاعتراف بس هيكون اسمه واحد من الاسماء الاتيه

1 لو كنت مسئول

2 كلام مسئول

3 لقاء مع مسئول

وهيتسال المسئول ويرد علي كل حاجه
بس ياريت تكون الاسئله جاده وهادفه الي الاصلاح

المسئول هيكون مثلا زي وزير الخارجيه او العدل او الداخليه او التعليم او عضو مجلس الشعب او مدرس وهكذا,,,,,,,,,,

ياريت تعجبكم وهتلف علي الاعضاء ونعمل في الاخر حاجه زي جائزة افضل مسئول

اولى تعديلاتك ياسياده رئيس الوزارء فى الوضع الحالى لمصر واولى قرارتك ؟

اتفضل رئيس الوزارء الجديد معاك المايك منور الوزاره اتكلم عن برنامجك وعن خطتك المستقبليه ؟

بسم الله الرحمن الرحيم

الخطوه اللي حصلت اليوم من رئيس الوزراء الحقيقي دي من الخطوات اللي كانت لازم تتعمل من بدري

وانا شايف انها خطوه ايجابيه جدا

لازم اتفاعل مع كل الفئات علشان نوصل لحل مش وسط ...حل نهائي لكل المشاكل اللي ب نمر بها

المجالس المحليه لازم اغيرها وهعمل حاجه مهمه في الموضوع ده

من يتقدم للترشيح في المجالس المحليه لايزيد عمره عن 40 عام علشان الشباب يبداو ياخدو فرصه

الساده المحافظين اكيد لازم يتغيرو لان الكل الوقتي بيتكلم بطريقه غير اللي كانو عليها في عهد مبارك
ب معني لغة الكبرياء انتهت مع انتهاء عصر مبارك يعني نفاق علشان يبئو مع الموجه والثوره واحنا من اول يوم واحنا مع الثوار مش بقلكم نفاق

نتكلم عن الاضرابات ياريت يكون في نتسيق في الموضوع ده
بمعني لازم اتبلغ ب المواعيد اللي هتكون فيهاالاضرابات
علشان يكون في بديل للعمال المضربين
وطبعا لازم يكون مواعيد معينه هي اللي يكون فيها الاضراب

الوظائف
اكيد كل الشباب عوزين يتوظفو بس دا مستحيل ازاي نوظف كل العدد ده
انا من راي نعمل حاجه
اكيد انتم عارفين ان في ناس موظفين في اماكن كثيره وفي نفس الوقت الناس دي مش في مصر اساسا
يبئه حرام ولاايه الناس دي تحجز الوظيفه
الناس دي لازم يسيبو الوظيفه للغلابه اللي مش لاقيين الوظيفه واللي مش لاقين فرصة للسفر بره مصر

واكيد الحكومه مش هتقدر توظف الشباب كلهم فلازم نبدا في عمل المشاريع العملاقه اللي هتساعد علي الحد من البطاله
وهفكركم بمشروع تلباني مغترب لو كل قريه فكرت في مشروع زي ده مش هنلاقي اي حد محتاج حاجه
تقدرو تقولولي كام موظف مركز شباب تلبانه وبيعملو ايه وبيرحو امته

التدريس
لو انا اديت للمدرس حقه المالي هيشرح في الحصه بضمير ومش هيفكر في الدروس الخصوصيه علي الاقل مش زي الاول هتقل الدروس شويه ولا رايكم ايه
المناهج لازم تكون للفهم مش للحفظ ولا ايه

المواصلات
المواصلات في الدنيا كلها فيها زحمه مش عندنا بس
الفرق بين مصر وغيرها في المواصلات والمرور النظام هو النظام احترم اشارة المرور
بلد زي تلبانه ازاي مفيش فيها مشروع فرع من شزكة شرق الدلتا تلبانه محتاجه 5 اتوبيسات ضخمه لسد العجز ب الذات الصبح واخر النهار مواعيد الدراسه والموظفين والعمال

وزاة الخارجيه
اكيد مش هيفهم مشاكل المصريين اللي في الخارج الا واحد عارف نظام القنصليات المصريه في الخارج
القنصليه المصريه في ميلانو ب الظبط عمله زي السجل المدني ...والله
الصوت العالي و الوسطه هو اللي بيخلص
اساسا اسلوب المظفين في القنصليه وحش بطريقه متتوقعهاش

انا مستني باقي الاسئله

باقي الاعضاء فين

عاوز اسئله اكتر

يا مديرعوزك تظبط الموضوع دا وتفعل موضوع مهم مالله