اووف دى بقت حاجة تقرف

موضوع: اووف دى بقت حاجة تقرف 24/6/2010, 7:53 pm

]طبعا كلنا كل يوم بنسمع كلااااااااااااام ونصايح كتير من الاب والام

وتقريبا كل الكلام مكرر فى كل البيوت

علشان كده انا جبتلكم شوية من اللى بيتقال فى بيوتنا

*اوعى خيالك المريض يهيالك انك ممكن تاخد منى فلوس تانى.

*ذاكر ياموكوس مش فالح غير فى الهيافه والكلام الفاضى.

* خلصي اكلك وناميلك شويه عشان تقومي تزكريلك شويه.

* ابقى تف على قبرى لو نجحت.

*ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و هي دي مذكره.

*مذاكرة ايه دا اللى على السرير.

*بلاش البرفان وانتى نازله.

*يا ابني تعالي اقعد معانا ولا انت ماجر اوضه جوه البيت ......

* ابقي نشف الحمام بعد ما تخرج منه.

* يا خويا ياراتك حافظ الدروس اللى عندك زى ما انت حافظ الاغانى كده .

* اعملى حسابك اول م الدراسه تيجى الرسيفر هيتشال هو
والتليفزيون.

* لو كانت اللي علي التليفون طنط سلوي قوليلها ماما نايمة .

* ابقى قابلني بكرة تاخد بالجزمة وتاكل كل حاجة غصب عنك.

* عيشه تقصر العمر والواحد هيلاقيها منين ولا منين وانا خلاص زهقت وجبت اخري وانا عارفه مش هترتاحو غير لما اموت.

* جتها نيلة الى عايزة خلف تيجى تتفرج .

* متحطيش الموبيل جنبك و انت نايمه هيجبلك تخلف عقلي .

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.

* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.

*ابقى ورينى مين حينفعك فى الاخر من شوية الصيع الى انت مشيلى وراهم .

* قوم اقرا لك كلمتين ينفعوك .

* وطي المدعوق ده شويه .

* مش ملاحقه علي التليفون ولا الموبيل عملالي فيها الست المهمه.

*لما ما ترضاش تاكل في البيت:طبعا مانت اتعودت علي اكل بره .

* عيـــب ... لازم تحترم اللي أكبر منك .

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* هياا الهانم معندهاش مذكرة النهارده قومى يا حبيبتى الساعه10 .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* انتا لو فلحت تبئى تيجى (احم احم ) متهيئلى معروفة على ئبرى .

* ابقي قبليني لو فلحتي ...بس ديما مش بيقلوا نقبلهم فينّ!!! غربيه .

*مين اللي ساب باب التلاجة مفتوح.

* كفايه رغي في التليفونات .

*لما الولد او البنت ماتاكلش تقعد الام تقول وشك بقى عامل زى اللقمة المقمرة هتتعبى ومش هتقدرى تروحى الكلية و هلف بيكى على الداكترة.

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

*مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة .

* ماتتأخرش علشان عندك كلية بكرة بدرى.

* انا : ياماما بقه ايه ده ؟؟؟

ماما:مووو لمـا يــــــخدك .

* ادلعى ياهبة فى ايامك المهببه .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* يأبنى المذاكره مابتخلصش .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .و امشي جوا الحيط .

* احمد ربنا الاكل الى مش عجبك ده فى ناس مش لقينه .

* قومي سخني الأكل لأخوكي.

* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

ملحوظة هامة ومش لازم ننساها

طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي

بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه

تحية خاصة لكل الأمهات والأباء

واى حاجه منهم زى العسل

(بس ياريت كلكو تقولو اية الكلام اللى بيتكرر فى بيت كل واحد منكو بصراحة هستنى الرد

موضوع: رد: اووف دى بقت حاجة تقرف 24/6/2010, 7:57 pm

انا بصراحه مش عارف اوصفلك شده اعجابي بمواضيعك احنا شعرنا زي بعض بنرقص زي بعض وبنضرب من نفس الراجل هههه ميرسي ليكي يا قمر وشكرا علي مشاركاتك الجامده دي
كل الي اقدر اقولهولك انك اصلي

موضوع: رد: اووف دى بقت حاجة تقرف 24/6/2010, 8:17 pm

بس ماقولتش اية الكلام اللى بيتكرر فى بيتك من الحاجات دى

موضوع: رد: اووف دى بقت حاجة تقرف 24/6/2010, 8:23 pm

يعني شويه خنقه بس كله بيعدي

موضوع: رد: اووف دى بقت حاجة تقرف 24/6/2010, 8:29 pm

هنعمل ايه هنموتهم كله كده
مشكووووووووووووووووررررررررررررررررر

موضوع: رد: اووف دى بقت حاجة تقرف 24/6/2010, 10:08 pm

ههههههههههههههههههه وربنا وربنا كل الكلام ده بسمعه

يااختى هو انا هطفش من شويه Rolling Eyes

ثانكس ياقمـر

موضوع: رد: اووف دى بقت حاجة تقرف 25/6/2010, 5:05 am

الغريبة اننا بنسمع كل الكلام دة مش جملة واحدة منة

موضوع: رد: اووف دى بقت حاجة تقرف 27/6/2010, 11:17 pm

يعنى محدش قالى الكلام اللى بيتقالة فى البيت ولا الحاجات دى مش بتسمعهوها

موضوع: رد: اووف دى بقت حاجة تقرف 28/6/2010, 2:23 am

ابويا كان دايما بيقول لى ابقى تعالى ــــــــــــــــــــــــــــــــــــــــــــ على قبرى

موضوع: رد: اووف دى بقت حاجة تقرف 28/6/2010, 4:18 am

كل بئر بما فيه ينضح

موضوع: رد: اووف دى بقت حاجة تقرف 28/6/2010, 9:40 am

ههههههههههههه جامدة يا محمد على قبرك بعد الشر انشالله اللى يكرهوك

موضوع: رد: اووف دى بقت حاجة تقرف 1/8/2010, 5:21 am

انا الجملة دى بسمعها على طول .. اعملى حسابك اول م الدراسه تيجى الرسيفر هيتشال هو
والتليفزيون والكميوتر. بس والله عمرهم ماشالو حاجة

موضوع: رد: اووف دى بقت حاجة تقرف 1/8/2010, 10:33 am

مالكش دعوة بالسياسة .. وماتمشيش في مظاهرات .و امشي جوا الحيط .
ابقى قابلني بكرة تاخد بالجزمة وتاكل كل حاجة غصب عنك.
ما فيش مذاكرة على المزيكا .. وازاى بتذاكر و البتاع ده شغال جنبك .
قومي ساعدي امك ده اللي هيتجوزك أمه داعية عليه.
ابقى تف على قبرى لو نجحت.
مذاكرة ايه دا اللى على السرير.

كل الكلام دة فعلا بسمعة من ماما بالحرف لما كنت هتجنن كنت فاكرة انا بس طلعنا كلنا بعد كدة مش هزعل بقى
عموما تسلمى ياقمر على التوبيك الجااااامد دووووووووووووون

موضوع: رد: اووف دى بقت حاجة تقرف 1/8/2010, 8:19 pm

اسمعوا ريمكس فكك من الي يشكك وادعوا ليا وبعدين احنا 2010 خلاص الزمن ال over ده راح خلاص الاب بقي كاجوال والام مسكبه عيشوااا بقا

موضوع: رد: اووف دى بقت حاجة تقرف 1/8/2010, 10:29 pm

انا ابويه الله يرحمه ككان يقولى تف على وشى لو نجحت وكان يقولى كل مايشوف وشى زاكر

» اجمل حاجة فى كل حاجة واى حاجة واى شىء
» تي شيرتات شياكة اخر حاجة
» حاجة الشباب الى الزواج "مع صور مضحكه"
» حاجة الشباب الى الزواج "مع صور مضحكه"
» فتحى عبد الوهاب: منة شلبى حبيبتي آخر حاجة