الغش الجماعى فى معهد فتيات تلبانه

بسم الله الرحمن الرحيم
والصلاة والسلام على اشرف المرسلين
اما بعد
فكلنا يعلم مدى فساد نظام التعليم فى مصر والتعليم الازهرى خصوصا يعد الفساد بعينه ................
مايحدث فى معهد فتيات تلبانه من حالات غش جماعى اقصد الكترونى بواسطة الموبايلات ظاهرة تتكرر كل عام فهل انت راضى عن هذا النظام الفاسد؟
والاغرب فى كل هذة الحالات ان تجد اب او ام هو من يذهب لكى يساعد فى ان تغش ابنتة وهو يرى من وجهة نظرة انه يفيدها ولا يعلم اى ضرر يلحقة بها .
وطبعا فى ناس فى بلدنا من غير ذكر اسامى عندة بنتة فى علمى وبما انة موظف فى المنطقة الازهرية فى المنصورة فاكر انة ممكن يقدر يعملها اى حاجة فعلا هو بيدخل لها المدرسين يوميا يحلوا لها فى الورقة بعد الطالبات مايخرجوا بس يبقى يقابلنى لو بنتة مشيت فى الكلية اللى هتجيبها ولا ممكن يبقى يجيب لها مدرسين يغششوها فى الكلية مدرسين مش دكاترة لان دا اخره
طيب اية الحل ومين اللى بيساعد على كدة هل الاهل فى البيت وكأن الغش حق مكتسب؟
ام نظام التعليم الازهرى الفاسد؟
ام الفوضى التى تعم البلاد؟
ونيجى فى الاخر نقول عايزين نغير النظام لانه فاسد وغشاش ودا كان بالذات كلام الاخوان واقسم بالله ان فيهم ناس ساعدوا فى الغش بدون ذكر اسامى................
طيب ازاى نغير والعيب فينا؟
نعيب زماننا والعيب فينا وليس لزماننا عيب سوانا
والجزاء من جنس العمل
يبقى المفروض نفضل كده على طول
نفضل تحت امر سيادة الرئيس المبجل لان دا احسن عقاب لنا
واسف على الاطاله
اتمنى التفاعل لايجاد الحل.............

والله انا من رايي ان النظام ده نظام فاشل وانا مع وجهه نظر حضرتك بس في ناس بتنظر لها من نظره تانيه مثلا ان هما مذاكرين بس محتاجين يذودو الدرجات شويه علشان يلحقو كليه اعلي شويه مع انهم مش هيقدرو يمشو فيها بس هنمل ايه مش بايدنا حاجه نعملها هو النظام ماشي كده تقبل مروري

والله عندك حق هنعمل ايه كل واحد عنده بنت بتمتحن عايزها تجيب احسن مجموع بالغش بالهبل المهم تجيب مجموع شكرا على اهتمامك ياحمام

والله العظيم لما يدخلو الكلية هيتعلمو الادب على حق وايام الثانوى هيضحكو عليها ومش هيطلعو من سنة اولى الا القليل جدا

ابشروا فاءن الفساد قد عم البلاد

سيب كل اب وام يعمل اللى على مزاجه وربك مطلع ......وان الله لا يرضى بالظلم لاحد...................ومن اللى قال ان الكليه العاليه خير لها ولا لغيرهاممكن تبقى دكتورة ..... أفشل دكتورة ......صيدليه ....افشل صيدليه ......مدرسة .........افشل مدرسه........الخ ......._______ربك هو اللى يعرف الخير فين ولمين

الخير فينا والباقى علينا

هي كده يا جماعه هنعمل ايه

شكرا جدا ياجماعه على مروركم وارائكم
وفعلا زى ما الماسه قالت صعب جدا يكملوا فى اى كليه وهيندموا عل ايام الثانوى قصدى الغش
ورايك تمام والله يادكتور ومنورنا

الغش احدى ظواهر الفساد فى المجتمعات الفاشله تكون النسب عاليه وراى أهل العلم عن الغش أنَّه من الكبائرمنهم ،الذهبي وابنِ حجر والبيهقى وابن عساكر تفسيرا لقوله - تعالى -: ﴿ إِنَّ اللهَ يَأْمُرُكُمْ أَنْ تُؤَدُّوا الأَمَانَاتِ إِلَى أَهْلِهَا ﴾ [النساء: 58] قال صاحب المنار: "والأمانة حقٌّ عند المكلف يتعلَّق به حقُّ غيره ويُودِعه لأجل أن يوصله إلى ذلك الغير؛ كالمال والعلم، سواء كان المودَع عنده ذلك الحق قد تَعاقَد مع المودِع على ذلك بعقد قولي خاص صرَّح فيه... أم لم يكن كذلك، فإن ما جرى عليه التعامُل بين الناس في الأمور العامَّة هو بمثابة ما يَتعاقَد عليه الأفراد في الأمور الخاصة وقوله - تعالى -: ﴿ يَا أَيُّهَا الَّذِينَ آمَنُوا لاَ تَخُونُوا اللهَ وَالرَّسُولَ وَتَخُونُوا أَمَانَاتِكُمْ وَأَنْتُمْ تَعْلَمُونَ ﴾ [الأنفال: 27] ووجه الاستِدلال على ظاهرة الغشِّ: أن الغش كما تبيَّن لنا من وسائل الإفساد في المجتمع، وهذا يستلزم الإضرارَ بالمجتمع المسلم، ولا شكَّ أنَّ الشريعة جاءت بتَحصِيل المصالح وتكميلها، وتعطيل المفاسد وتقليلها.

الف شكر ع الايضاح الراقى يازيزو
فاعتبروا يا أولى الابصار

تسلم على الكلام الجميل يا عبودة

عندك حق يزيزو والله وان الغش ظاهره تنتشر يوم عن يوم واحنا بنتاخر مش بنتقدم وسنعاقب على زلك والى بيغشوا فى الدنيا هايبقوا فاشلين على طول وفى الاخرهسيعزبوا على زلك ( من غشنا فليس منا )

بصراحة اللى بيغش فى الثانوى لمل يدخل كلية وبذات لوكانت من كليات القمة بيصدم لانة بيشوف نظام تانى خالص
بس بصراحة مفيش واحد كان بيغش فى الثانوية وجاب مجموع الا اذا كان مذاكر ممكن الغش يرفع مجموعة اة بس هو كان مذاكر.......بدليل

ان لجنة العلمى كانوا بيغشوا بس فى ناس جابت 99و98و97و96و95الخ... وفى ناس كمان جابت تحت ال90وتحت ال80
ياترى اية السبب ...

السبب ان فى واحد مذاكر وواحد مش مذاكر...

بس اللى مذاكر اترفع عما يستحقة شوية وجاب مجموع عالى

واللى مش مذاكر بر ضة اترفع بس مجبش مجموع

ودليل كمان ان فى حد كان فى مدرسين بتملية وكان بيفتح
الكتب وبرضة مجبش المجموع اللى هوة ......

ياترى اية السبب

فى الاول وفى الاخر دة توفيق من ربنا ونصيب

بس اكيد فى واحد ذاكر اكتر من التانى

تقبل مرورى وربنا يوفق الجميع

الف شكر يحمام على اهتمامك

حرام والله اللى بيحصل ده يجماعه

بلدنا مش ناقصه مش كفايه بتوع الحشيش خربوها

وعلى العموم والله مافى حاجه بتيجى بالغش

اولا اهلا بيك معانا ومعاك حق فعلا مفيش حاجه بتيجى من الغش كله نظام فاسد
ويادكتور لجنه العلمى كان فيها غش فعلا بس مش كله غش فى ناس مغشتش والله على ما اقول شهيد
وفى ناس الكتاب اتفتح قدامها والمدرسين كانوا بيدخلولها بعد انتهاء اللجنه وجابت مجموع علشان خاطر ابوها طبعا الكلام معروف على بنت الاستاذ المبجل عابد الدرديرى
هو دخلها علمى غصب عنها وهيدخلها كليه عاليه بردة غصب عنها
لكن السؤال هو كان يعرف المدرسين اللى بيغششوا علشان فى اخر الامتحانات بيعزمهم يملوا بطنهم فته ولحمه ماهو كل واحد فيهم له كرش لازم يملاه دلوقتى هيجيب منين مدرسين يغششوها فى الكليه لانه هو اخرة يعرف مدرسين مرتشين لكن طبعا واحد زى دة ميعرفش دكتور اخرة مدرس مرتشى
ع العموم ان غدا لناظره قريب وهنشوف اخرة الغش
واشكركم على المرور

نتيجه الغش اهى بانت فى النتايج اتظلم الى بيزاكر والى مابيزاكرش ولا حول ولا قوه الا بلله

مش هول غير حاجه وحده

الرسول عليه الصلاة والسلام قال

من غشنا فليس منا

وصدق رسول الله صلى اللع عليه وسلم

علية الصلاة والسلام

الموضوع دة حقيقي

كان واحد بيملى بنات الادبى فى مادة الانجليزى فى التلفون

فكان بيمليهم حف بحرف

المراقب طلع لة من الشباك وقالة يا كابتن

بعد ما تخلص الكلمة قول فاصل علشان البنات مشبكين الكلام كلاتوا فى بعضوا

كل دة من المدرسين مش من اولياء الامور

المدرس لو عايز يمنع الغش هيمنع الغش

معاك حق طبعا ودا فعلا اللى حصل

ههههه فعلا انا وصلنى المشوار دة

احنا وصلنا القمة فى الغش والحشيش

بس هما منعوا الحشيش

يا ترى هيمنعوا الغش عند البنات

ربنا يهدى

يااااااااااااااااااااااارب

» : نتيجة الشهادة الثانوية الأزهرية 2010- معهد فتيات تلبانة كلها
» الى فتيات تلبانه اليوم (كونى ملكه)
» حصريا على تلبانه اليوم جميع ابداعات الكاتب احمد الحارون(من تلبانه الى رئيس الجمهوريه)
» اختطاف طفله من تلبانه
» تلبانه فى الشعب والشورى