امثال مشهورة ----- اتمنى التفاعل

[يموت الزمار وصوابعه بتلعب

اللي متحبش تشوف وشه يجي يوم وتتمنى تشوف قفاه

الحظ لما يواتي يخلى الأعمى ساعاتي ، والمكسح عجلاتي

لا تصاحب الأقرع ولا تأخذ منه نصيحة ، لو ربنا يحبه كان خلاها له صحيحه

خنفسه شافت ولادها على الخيط ، قالت : ده لولي ملضوم في خيط

الشايب لما يدلع زي الباب المخلع

في الوش مرايه والقفا سلاية

أدى البخوت لمكركتين الروس وذوات شعر خيلي بختهم موكوس

الحلوة لما تقوم من النوم ، والوحشة لما تغسل وشها كل يوم

من بره هالله هالله ، ومن جوا يعلم الله

أقلب القدرة على فهمها ، تطلع البت لأمها

المتعوس متعوس لو حطه على بابه فانوس

قليل البخت يطلع له عظم في الكرشة

قلبي على ولدى انفطر ، وقلب ولدى عليا حجر

القرعة تتباهى بشعر بنت أختها

قالوا للحرامي احلف ، قال ( جالك الفرج )

يا مصبر الوحش على الجحش

اللهم طولك يا روح على هذا اللوح

لحمتك مشغته ليه ، قالهم اصل الجزار معرفة

اللي تقول عليه موسى يطلع فرعون

قليل الأصل لا تعاتبه ولا تلوموا ، ده زي البقعة اللي لا تطلع برابسو ولا بأومو .

( ياريت كلكو تشاركو بالامثال المصرية اللى تعرفوها انتظر الردود)[/center][/size][/color][/color]

تسلم ايدك على الامثال الجميله
قليل الأصل لا تعاتبه ولا تلوموا ، ده زي البقعة اللي لا تطلع برابسو ولا بأومو .

حلو دا

يا مأمنه للرجال .....يا مأمنه للقرد فى السنغال

دى حـاجه منى كـده Very Happy

ميرسى ياجميل

اى حاجة منك حلوة ياجميل

والله امثالك مووووز وانتي عضوه نشيطه واشهدلك بكده نايس

يعنى مجبتش امثال

والله مش عارف امثال بس هحاول اجيب علشان خاطرك
نجم الجيل

الطول طول نخلة ، والعقل عقل اصخلة

عقــل مين ؟؟؟؟؟؟

ياواخد القرد على مالة .... يروح المال ويفضل القرد على حالة

1+1=3 معتش فى ضمير

1+1=3 معتش فى ضمير

ودا مثل دا ولا حكمة اليوم !!

من فات قديمه تاه

اللى بعيد عن العين بعيد عن القلب

اقلب القدره على فومها الفول يقع منها

اللى ياكل لوحده يشبع

لو حبيبك عسل ما تحطلوش طحينة

لو حبيبك عسل ما تحطلوش طحينة

لا تقولى كلام ولا حكاوى سمسم رجع تانى

اللى يتلسع من الشوربه يتصل بالمطافى

من طلب العلا يتفضل فى كابينه 4فاقد الشىء يدور عليه

اقلب القدره على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

قال يامحشحشين يكفيكوا شر الكمين

اللى ياكل لوحده يشبع

وبكره ترجع ريما من عند خالتها فى مارينا

ياداخل بين البصله وقشرتها حط قطرة علشان هاتدمع من ريحتها

اصوم اصوم وافطر على فول

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

القرش الابيض اكيد زملكاوى

ان كان حبيبك عسل سدة واستريح

على فكرة القسم دة الامثال الاصلية مش الكوميدية الكوميدية لها قسم تانى (ركزوووو)

ليه الافش ده

عادى والله هما جامدين بس الامثال دى ليها مكان تانى عشان النظام بس ولا اية؟؟؟؟

لا النظام نظام انتي شتراوس الجنزبيل

شوفو المثل دا (هو اية نفسى فية اخية علية)

جايباه بكام ده؟؟

حكمة اليوم

من هتك حجاب غيره إنكشفت عورته

ميرسي علي الحكمه

قليل الحظ يعضه الكلب فى المولد

ضرب الأعور على عينه قالهم كمان لحد ما نظرى يررررررررررررررررررررررررررررررررررررررروح

الكحكة فى ايد اليتيم عجبة

بيحسدوا الحمار الاعمى على السكه الناعمه

اللى خدتة القرعة تخدة ام الشعور

اجري يا ابن ادم جري الوحوش لتلحق الميكروباص يا متلحقوش

لو القطة زادت عن حقها يبقى هيا اللى جابيتو لنفسها

خد الاصيلة ولو على حصيره

اللى بيتو من ازاز ما يحدفش الناس من بالطوب

مش عارفين امثال يعنى

قليل الأصل لا تعاتبه ولا تلوموا ، ده زي البقعة اللي لا تطلع برابسو ولا بأومو .

القرش الااى كلمه اخرى اكيد زملكاوى

الترجمة هتنزل امتة ان شاء الله

لا حلوا دي

انا قريت كل حاجه اني افهم كلمه

نسى يسيب الترجمة

» أكثر 7 اكاذيب مشهورة عن الرجال
» أقوال المشآهير..... اتمني التفاعل
» امثال كوميدى طحن
» امثال مصرية بس اية..............موززززززززز
» عضو جديد اتمنى الترحيب.............