مشكلة الشبكه وجهاز الفرح فى تلبانه

من اخطر المشاكل التى تواجه بعض البلدان وخاصه تلبانه وهى مشكلة المغالاة فى تجهيز العروسين وخاصة الشبكه التى تعد من اهم اسباب (عدم اتمام الزواج) حيث من الممكن ان يطلب والد العروسه شبكه غاليه الثمن ولا يقوى المتقدم عليها مع انها لاتمت الى الاسلام بصله ولكن هى مظاهر كذابه واصبحت عاده ولذلك هناك بنات كثيرة فى تلبانه تخطت سن 25 بدون زواج وهناك ايضا من تخطت سن 30 والسبب فى المقام الاول هو تعنت الوالدين وطلب مبالغ كبيرة لايقوى عليها الشاب الذى يريد الزواج.
هذا وهناك ايضا مشكلة خطيرة وهى الزياده الغير طبيعيه فى تجهيز المطابخ فقد يصل جهاز العروسه (مطبخ فقط)الى 80 الف جنيه.............(ليه يعنى؟)
طيب ولو واحد مش قادر يجهز بنته كده يعمل ايه؟
واقسم بالله ان الذين يغالون فى هذة التفاهات(شبكه ومطبخ) نادرا مايتم زواجهم وان تم فدائما يكون هناك مشاكل.
والحل......................
لو لازم الشبكه ممكن يكون فى حل وسط وتتكتب فى القايمه وخلاص
والمطبخ يجهز فى حدود المعقول حتى يبارك الله فيها ويبعد عن الحسد
واخيرا نشوف الردود ونصل للحل

موضوع جميل

وله حلول كتير

بس احنا اللى مغمضين عينينا

ومش عايزين نشوف الحقيقه

وبنضحك على نفسنا

الموضوع سها جدا وبسيط

يجتمع اهالى القريه من الرجال فقط

انصاف الرجال لا

ويحددو مثلا

الشبكه لا تزيد عن 5 الالاف جنيه

المطبخ لا يزيد عن 20 الف جنيه

عفش العريس لا يزيد عن 20 الف جنيه

ولا يقروا غير ذلك فى القايمه

بذلك سوف نوفر مبالغ طائله

ويبارك الله ايضا هذا الزواج

وتزيد المحبه والالفه بين الناس

ويتزوج الشباب المتعثر ايضا

وجزانا الله وجزاكم كل الخير

رأى جميل وفى محله لكن السبب الرئيسى فى هذة المشكله هم اهل العروسه اللى ممكن يطلبو شبكه تفوق الاحتمال مع انها هديه من العريس الى عروسته
ولا يتقوا الله فى ابنتهم ولا فى الشاب الذى تقدم للزواج منها
وعموما رأى تمام فهل من مستمع عاقل

قول الرسول صلى الله عليه وسلم( ( اعظم النساء بركة ايسرهن مؤنة ) ) وكفى بنا في رسول الله صلى الله عليه وسلم ..

تمام ياباشا ولو الكل التزم بكلام النبى عليه الصلاة والسلام هتبقى الحكايه سهله جدا وكله هيمشى بس هنعمل ايه بقى فى المظاهر الكدابه
(خير الكلام ماقل ودل)

المشكلة ان اللى معاة فلوس مبيبصش على اللى ممعاهوش ...

يعنى ممكن لو اهل العروسة مش عايزين حاجة ..هو بيجب برضة علشان الناس تقولك دا فلان جاب بكذا...

واللة لو اهل العروسة شارين العريس ممكن يتجوزوا من غير حاجة خالص .. وانا اعرف ناس كتيير كدة ..بس دة كان من زمان ..

اهم حاجه التوافق والحب

وبعدين حرام بجد كده كتير

لو بالطريقه دى مفيش حد هيفكر ف الزواج والانحراف هيزيد

واكيد لو بنطبق كلام رسولنا الكريم هنعيش ف احسن حال لكن للاسف

ميرسى ليك يا محمد

تقبل مرورى

تمام ياموحه ورأيك ميه ميه
انتى فين؟؟؟؟؟؟؟؟؟

كلامك مظبوط ياموحه وان اهل العروسه بيبقوا السبب وراء ذلك مفكرين ان ده حاجه حلوه بتفشخروا بيها والحجات دى كلها ملهاش لذمه
الرسول قال فيما معناه فى الزواج تقديم الشبكه التمسو لو خاتم من حديد

فى بلدان كنير متل الاردن العروس مابتجهز شىء والعريس بيجيب اللى يقدر عليه هيك بيكونا مع بعض وحده واحده

فين اللى يعمل كده الوقتى

» مشكلة شرب المخدرات فى الشوارع
» ليه الفرح قصير
» هتحضر الفرح ده ولالا
» مركز شباب تلبانه
» مشكلة الفأر العجيبة