مسلم على كرســــ الاعتراف ــــــــى

بسم الله الرحمن الرحيم

احبــــــــــــــــــــــــــــــــــــــــــــــائى الكرام منتدى تلبانه اليوم حلقه خاصه جدا يعنى انتباه للضحيه اللى معانا
النهارده نجم فى السماء لايوجد له اخ او مثيل يتربع فى عرش قلوب ابناء المنتدى جميعا المحبوب دائما طيب
الذكر

هادئ لايتكلم فيما لايعنيه تعد حجرته الخاصه حجره الاجتماعات اليوميه لاداره منتدى تلبانه اليوم بنقول بجد نورت المنتدى وفرحنا جدا بوجودك معانا

بدون كلام وبدون زعل بنقــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــول
للضحيه اللى معانا
يتفضل

معانا ومعاكم نجم حلقه كرسى الاعتراف والشاب الوسيم الذى يتصف بالمحبوب وسط جمعيه اصدقاء منتدى
تلبانه اليوم والمقر الرئيسى بحجرته الخاصه وامين الصندوق الخاصه بالجمعيه زيزو البخارى اتعرفت الشخصيه

اتفضل ياقمر

منور الدنيا ياعمنا

قول الاول قبل اى شئ

عرف نفسك للاعضاء

البطاقه الشخصيه لمسلم ؟

ياله ياشباب عاوز ترحيب جامد بالضحيه المميزه جدا اللى معانا فى كرسى الاعتراف

والله ياملاك انتا انسان مهذب

شكرا ياعوضى دا كله من زوقك ياجميل

ههههههههههههههههههههههههههههه

انت بتعدل كلام العوضى يا ملاك افندى

بتهرب من خطاءك ليه يا بيه

اولاً شكراً يا ملاك على الكلام ده

ثانياً البطاقه الشخصيه لمسلم

الاسم المتولى

الشهره الاكشر

الديانه مسلم

الجنسيه مصرى

المؤهل بكالوريوس تجارة شعبة محاسبه

الحاله الاجتماعيه أعزب وبحاول اغيرها بس مش لاقى بنت الحلال

تاريخ الميلاد 1/1/1989

ولو عاوز رقم البطاقه ماشى اوك

اى بيانات تانيه عن البطاقه يا ملاك انتا تؤمرنى

السلام عليكم ورحمة الله وبركاته

ازيك يا متولى باشا

اخبارك ايه

عامل ايه فى الكرسى

على الله تكون بخير وتمام

جبت ليك شوية اساله ياريت يعجبوك

السؤال الاول

ايه رايك فى اللى بيحصل فى مصر من مظاهرات وكده

السؤال الثانى

ايه اللى المتولى مخبيه عن اصحابه وشلة الاوضه ومش عايز حد يعرفه

السؤال الثالث

عملت ايه مع العروسه

السؤال الرابع

مين المقربين لك من الاصدقاء

السؤال الخامس

هدف المتولى ايه فى الحياه

السؤال السادس

كم مره حبيت وعندك جراءه تقول لينا اسم حبيبتك

السؤال السابع

ماذا تعنى لك هذه الكلمات

الحريه --- الحب --- الظلم --- الخيانه --- الاصدقاء --- النت --- الوطن

السؤال الثامن

اختار لينا صديق من اصدقائك واوصفه واوصف اللى بتحبه فيه واللى بتكرهه

السؤال التاسع

بتحب الكوره طب اهلاوى ولا زملكاوى وشايف مستقبل المنتخب ازاى واكتر لاعب بتحبه

السؤال العاشر

لو حبيت واحده واتجوزت و ارسلت لك دعوه لحضور زواجها هتروح ولا لا وليه

السؤال الحادى عشر

قولى كده وبسرعه الاكله المفضله --- القناه المفضله --- البرنامج المفضل --- السياره المفضله

الماركه المفضله فى الملابس --- المطرب او المطربه المفضله --- افضل اغنيه بتحب تسمعها

السؤال الثانى عشر

بترشح مين لرئاسة مصر من دول وليه

الرئيس محمد حسنى مبارك
الدكتور محمد البرادعى
الاستاذ ايمن نور
الاستاذ حمدين صباحى
الاستاذ مصطفى بكرى
الاستاذ سامح عاشور

السؤال الثالث عشر

رايك فى الحزب الوطنى وبكل صرااااااااااااااااااااااااااااااااااااااحه

السؤال الرابع عشر

رايك فى حال البلد من فساد وتزوير وغلاء وايه الحلول من وجهة نظرك

السؤال الخامس عشر

ايه حلمك لمصر ونفسك ايه جديد يحصل

الحمد لله يا محمد
بس بين الكرسى بتعكم رجليه مكسوره

السؤال الاول

ايه رايك فى اللى بيحصل فى مصر من مظاهرات وكده

حاجه مكنش حد يتوقعها من الشعب وده المفروض انه يحصل من زماااااااااااان والشعب فعلا فاق متاخر
وبجد يا ريت النظام كله يتغير

السؤال الثانى

ايه اللى المتولى مخبيه عن اصحابه وشلة الاوضه ومش عايز حد يعرفه

مفيش حاجه معنديش حاجه ادريها ولا اخبيها انا صريح فى كل حياتى

السؤال الثالث

عملت ايه مع العروسه

ربنا يسهل قريب هتسمع خبر الخطوبه وخبر سفرى فى يوم واحد

السؤال الرابع

مين المقربين لك من الاصدقاء

كتير وكلهم لهم معزه خاصه جداً فى قلبى

السؤال الخامس

هدف المتولى ايه فى الحياه

اكون انسان ملتزم دينياً ومتبع لسنة الرسول صلى الله عليه وسلم ومجتهد فى عملى وحجات كتير

السؤال السادس

كم مره حبيت وعندك جراءه تقول لينا اسم حبيبتك

مره وحده بس ومش هحب تانى الى زوجتى اسم حبيبتى نهى

السؤال السابع

ماذا تعنى لك هذه الكلمات

الحريه --- الحب --- الظلم --- الخيانه --- الاصدقاء --- النت --- الوطن

الحريه استطاعه الانسان فعل ما يريد من دون سطوه ولا سيطره
الحب نهى حببتى الحياه واصحابى
الظلم حسنى والحاشيه الى حوليه
الخيانه لما نهى تتخطب لواحد تانى
الاصدقاء اجمل حاجه فى حياتى
النت دى الحاجه الوحيده الى طلعتنى فى المظاهرات (الا السلك يا ريس)
الوطن احساس جميل جداً الواحد مش هيحس به الا لما يبعد عنه
السؤال الثامن

اختار لينا صديق من اصدقائك واوصفه واوصف اللى بتحبه فيه واللى بتكرهه

حمدى دينو
طيب جداً جدع راجل وقت الصعب مسالم حبه للكل وتسمحه
الى بكره فيه عدم اهتمامه ل.... الا مبالاه الى عنده

السؤال التاسع

بتحب الكوره طب اهلاوى ولا زملكاوى وشايف مستقبل المنتخب ازاى واكتر لاعب بتحبه

ماليش فى الكوره اوى ومش متبعها اوى

السؤال العاشر

لو حبيت واحده واتجوزت و ارسلت لك دعوه لحضور زواجها هتروح ولا لا وليه

انا فعلا بحب وحده وهتجوز قريب بس عمرى ما هروح فرحها ابدا
مش هروح عشان حجات كتير

السؤال الحادى عشر

قولى كده وبسرعه الاكله المفضله --- القناه المفضله --- البرنامج المفضل --- السياره المفضله

الماركه المفضله فى الملابس --- المطرب او المطربه المفضله --- افضل اغنيه بتحب تسمعها

محشى ولحمه وهيييييييييييييس يا معلم ..... مش متابع التلفزيون اوى .... الطبعه الاولى ...... السيارة أودى .....replay ..... فضل شاكر ...... انت عمرى

السؤال الثانى عشر

بترشح مين لرئاسة مصر من دول وليه

الرئيس محمد حسنى مبارك
الدكتور محمد البرادعى
الاستاذ ايمن نور
الاستاذ حمدين صباحى
الاستاذ مصطفى بكرى
الاستاذ سامح عاشور

ولا واحد من دول انا بفضل عمرو موسى

السؤال الثالث عشر

رايك فى الحزب الوطنى وبكل صرااااااااااااااااااااااااااااااااااااااحه

انا راى فيه انه حزب واطى ديكتاتورى

السؤال الرابع عشر

رايك فى حال البلد من فساد وتزوير وغلاء وايه الحلول من وجهة نظرك

البلد ربنا يكون فى عونها وعون الشعب المظلوم من شويه تييييييييييييييييييييت والحل زى الزفت ومش هيظبت الى لما ربنا يصلح ولاة امورنا

السؤال الخامس عشر

ايه حلمك لمصر ونفسك ايه جديد يحصل

نفسى مصر تتغير ونفسى الشعب كله يكون ملتزم فى كل امور حياتى ديناً واخلاقياً وعملياً وكافه امور حياته

نفسى ان يحكم مصر ولاة امور عادلين يعملو على تقدم مصر فى كل نواحيها مش على سرقتها من كل مصادرها

ازيك ياميتو
اخبارك
ايه اخبار المظاهرات معاك
ممكن شوييه اسئله من اياهم ولا

خلينا محترمين شويه

عشان منترتشى مع بعض

يا استاذ شريف

شكرا يا متولى على الاجابات الجميله دى

اصبر هرجعلك تانى وهظبطك

مستنيك اهوة بس بسرعه عشان الكرسى بتعكم بين عليه بجد

رجليه مكسوره

متولى
اخبارك
مستعد للاسلئه

خد دول
متولى ممكن تكلمنا عن نفسك شويه ؟

طب ايه نقاط الضعف ونقاط القوى اللى موجوده فى شخصيه المتولى ؟

محبوب بين الناس ولا ليك عدوات كتير ؟

اصدقائك فى المنتدى اكتر ولا بره المنتدى ؟

السياسه من وجهة نظرك ؟

ممكن تعرفنى ايه اهم مشكلات التعليم والحياه السياسيه فى مصر ؟
احلام االمتولى ايه؟

ممكن توصف لى مصر؟

ايه اللى بتحلم بيه يحصل فى مصر ؟

ايه اللى انت مبسوط انه حصل فى مصر؟

رايك ايه فى ثورة التحرير والتغيير اللى حصلت فى مصر؟
هل هناك خطر واضح على مصر من الى بيحصل فى مصر وهل ده يدى الفرصه لامريكا تتدخل فى مصر؟

فكرة انشاء المنتدى فى حد ذاتها رايك فيها ايه ؟

ايه اللى ممكن تكون شايفه ناقص فى المنتدى ومحتاجين نكمله ؟

المنتدى فى الوقت الحالى بيمثل ليك ايه ؟

بتحب تقراء جرائد؟

اكتر جرنان بتحب تقراءه ايه ؟

خايف من حاجه فى المستقبل ؟

أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

هل تتقبل النقد الصريح جدا ؟

هل انت عصبي ؟

شخصيـه سيـاسيــه معجب بهــا ؟ليهمعجب بيها؟

ومتى تشعر بالوحده؟

اية رأيك فى شباب اليومين دول ؟؟

معلشى طوت عليك بس خد دول بس
وايه رايك فى اصدقائك الى بيسهروا معاك جميعا وقول رايك هن كل واحد منفصل بصراحه

ايه رايك فى كل من فى المنتدى:_

محمد جمال
قاضى الحق
البخارى
ابو ترك
نجم الجيل
العوضى
والملاك
بس قول رأيك بصراحه
معلشى طولت عليك جاوب على دول على ماأرجعلك تانى
بس انا عاوز اسئل اسئله من اياهم 3 اسئله بس

متولى
عرف كل من
الغربه

الفتنه

الصديق

الحب

ماذا تفعل لو احببت انسانه بكل كيانك وحدث ما لايكن فى الحسبان وقبيل زوجك طلعت اختك فى الرضعه؟
هههههههههه

كل انسان ماشى فى حياته بمبادئ مبدئك فى الحياه اللى انتا ماشى عليه؟

رساله حب واحترام لمن ؟

نفسى اصالحك لمين ؟

ابعد عنى كفايه كدا لمين؟

معاك ورقه وقلم نو تكتب ايه وتوجه لمين؟

متولى
عندك كام ميل؟

معاك كام رقم موبيل وايه هى افضل شبكه فى نظرك؟

الدنيا عامله ازاى من غير
تلفاز

نت

تليفون

موبيل

سيارات

مين احب اصحابك لقلبك سواء متواجد فى المنتدى او مش متواجد؟مين سر متولى ؟

لحظه حز ن لمتولى ؟

لحظه سعاده ؟

حد من زمايلك واصدقائك شاركك فرحك وحزنك دا اكيد مين ااقرب واحد كان معاك وجنبك؟

متولى راجع تانى استنانى سلام

اشطه يا معلم

اتظاهرت انهارده ولا لا ؟

رايك ان المظاهرات بداءت تؤتى ثمارها ؟

لسه مخلصتش فى العروسه ولا ايه ؟

ممكن توصف لنا العروسه ولا شكلك هتاخد مقلب ؟

بتحب صوت مين بصرااااااااااااااااااااااااااااااااحه اوعى تكذب ؟

انت انسان انطوائى ولا بتتعامل مع الناس ؟

كان نفسك تدخل كليه ايه ؟

كلمنى كده عن مجلس ادارة الاوضه ؟

والانتخابات اللى جايه امتى ؟

خد دول على ما اجيلك اوك

انتا شكلك كله بيحبك
كله نازل عليك سللخ وباين من اسئلتهم
مع اننا ماسئلناش اسئله من اياهم

لا كان نايم
يقول كان تعبان

مين هو الشخص الي متقدرش ترفض له طلب ؟

? باقة ورد لمن تهديها

اذا اردت ان تبكي الان , فعلى من تبكي؟

هل تمنيت فى يوما ان تكون بنت؟ ولماذا ؟

كم مرة تنازلت عن مبادئك من اجل امرأه !! ؟

ياترى اية هى امنيتك اللى اتحققت وامنيتك اللى لسة مش اتحققت ؟

عبر عن نفسك بثلاث صفات ؟

ا اكتر يوم بتحبيه هو ايه ؟ وليه؟

عمرك انجرحت من حد؟ ولد ولا بنت؟ كلمه ولا فعل؟

ا ايه رايك فى المنتدى بصراحه؟

عايز تكون مشرف قسم ايه فى المنتدى ؟

ا ايهما اهم فى حياتك......الشهاده الجامعيه ولا الزواج بمن تحب؟

بتحب الاخوان ؟لو بتحبهم بتحبهم ليه ولو بتكرههم بتكرههم ليه؟

هل تؤيد الصداقة بين الولد والبنت؟

ا أوصف المتولى فى 5 كلمات بس؟

تملى معاك.......تقولها لمين؟

صدقنى خلاص.......تقولها لمين؟

االله يسامحك............تقولها لمين؟ وليه؟

كان نفسك تدخل كليه ايه؟

ا ايه رأيك فى الكليه اللى انتى كنت فيها؟

ا افضل سن للزواج بالنسبه للولد.....وافضل سن بالنسبه للبنت؟

ا اسم مين فى المنتدى تتمنى تغيره؟

ايه رأيك فى زواج الاقارب؟

بس دول دلوقتى على مااحضلك شويه كمان

عدل سابقا من قبل مسلم في 5/2/2011, 9:51 pm عدل 3 مرات

قاضى الحق"]خد دول
متولى ممكن تكلمنا عن نفسك شويه ؟

انا المتولى انسان عادى متفرغ من بعد ما خلصت الكليه موريش اى حاجه فاضى خالص انا ابن وحيد وليه اختين بنات نفسى اكون انسان ملتزم محبوب بين الناس ماليش اى عدوات هادى

طب ايه نقاط الضعف ونقاط القوى اللى موجوده فى شخصيه المتولى ؟

نقاط الضعف فيه بس هى نهى بكون ضعيف جداً نقط القوه ايمان بالله وشخصيتى

محبوب بين الناس ولا ليك عدوات كتير ؟

انتا شيف ايه الناس كلها بتحبنى وماليش اى عدوات بين حد ولو انتا شيف غير كده قولى

اصدقائك فى المنتدى اكتر ولا بره المنتدى ؟

لا بره المنتدى كتير طبعاً

السياسه من وجهة نظرك ؟

القدره على التحكم وكيفه تسير الامور

ممكن تعرفنى ايه اهم مشكلات التعليم والحياه السياسيه فى مصر ؟

التعليم فى مصر اصبح كمى وليس نوعى
استسلام لمشلات التعليم
دفن النوابغ واهدار الكوادر
وحجات تانيه كتير لخص

ا
حلام االمتولى ايه؟

اولاً واخيراً الستر

ممكن توصف لى مصر؟

مصر فى كلمتين بحبها ومعذبانى

ايه اللى بتحلم بيه يحصل فى مصر ؟

ان اشكالك تغور منها

ايه اللى انت مبسوط انه حصل فى مصر؟

انتفاضه الشباب والشعب

رايك ايه فى ثورة التحرير والتغيير اللى حصلت فى مصر؟

على فكره يا شريف دى انتفاضه لحد الان لان محصلشى اسقاط للنظام لما يحصل نقول عليها ثوره دى اساسيات المفروض تكون فهمها

هل هناك خطر واضح على مصر من الى بيحصل فى مصر وهل ده يدى الفرصه لامريكا تتدخل فى مصر؟

الى جاى تغير يعنى حريه وان الاوان انها ترفع اديها عن مصر هى بقالها تلاتين سنه بتدخل فى شئون مصر

فكرة انشاء المنتدى فى حد ذاتها رايك فيها ايه ؟

هى كويسه بس مش مجديه

ايه اللى ممكن تكون شايفه ناقص فى المنتدى ومحتاجين نكمله ؟

مشاركه كل الاعضاء والتفاعل فى الموضوعات الجديه

المنتدى فى الوقت الحالى بيمثل ليك ايه ؟

عادى مش بيمثل ليه حاجه

بتحب تقراء جرائد؟

اكيد انتا بق يهون عليك تدفع جنيه فى الجورنال

اكتر جرنان بتحب تقراءه ايه ؟

اسمها جورنال مش جرنان وهو المصرى اليوم

خايف من حاجه فى المستقبل ؟

خايف من الظلم

عدل سابقا من قبل مسلم في 5/2/2011, 9:36 pm عدل 1 مرات

أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

انا عن نفسى مقدرشى اعيش من دون اصدقائى

هل تتقبل النقد الصريح جدا ؟

لا

هل انت عصبي ؟

نعم

شخصيـه سيـاسيــه معجب بهــا ؟ليهمعجب بيها؟

ايمن نور شخصيته القويه

ومتى تشعر بالوحده؟

لما اكون لوحدى مش معايا اى حد مقبلتش اى حد ولا شفت اى صديق ليه

اية رأيك فى شباب اليومين دول ؟؟

شباب تييييييييييييييييت

معلشى طوت عليك بس خد دول بس
وايه رايك فى اصدقائك الى بيسهروا معاك جميعا وقول رايك هن كل واحد منفصل بصراحه

قبل اى حاجه اللغه بتعتك مدمره ايه هن دى
بصراحه انا بحبهم كلهم وكل واحد فيهم ليه ميزات وعيوب وكل شخصيه غير التانيه
وكلهم رجاله معايا
الا واحد بس

ايه رايك فى كل من فى المنتدى:_

محمد جمال انسان محترم
قاضى الحق عايز يعمل نفسه مثقف
معالى الوزير اجدع انسان قبلته فى حياتى(باشا)
ابو ترك طيب بجد اقل اقل حاجه تتقال عنه (صاحب صاحبه)
نجم الجيل معرفش عنه حاجه
العوضى ان اعرف انه هادى ومحترم
والملاك انسان جدع
بس قول رأيك بصراحه

معلشى طولت عليك جاوب على دول على ماأرجعلك تانى
بس انا عاوز اسئل اسئله من اياهم 3 اسئله بس

متولى
عرف كل من
الغربه

تربه ومره

الفتنه

اى فتنه فى كذا فتنه

الصديق

بالنسبه ليه اخويه لانى ماليش اخوات

الحب

اجمل شيء

ماذا تفعل لو احببت انسانه بكل كيانك وحدث ما لايكن فى الحسبان وقبيل زوجك طلعت اختك فى الرضعه؟
هههههههههه

هعمل بن وكركديه

كل انسان ماشى فى حياته بمبادئ مبدئك فى الحياه اللى انتا ماشى عليه؟

تلحم تعيش وتنش تفحل

رساله حب واحترام لمن ؟

لابويه الحاج اسماعيل الاكشر

نفسى اصالحك لمين ؟

ماليش خصوم مع حد

ابعد عنى كفايه كدا لمين؟

مش لاى حد

معاك ورقه وقلم نو تكتب ايه وتوجه لمين؟

الله اكبر الى شباب مصر

متولى
عندك كام ميل؟
عندى 2

معاك كام رقم موبيل وايه هى افضل شبكه فى نظرك؟

حوالى 220 موبينيل

الدنيا عامله ازاى من غير
تلفاز عادى خالص بالنسبه ليه لانى مش متبعه اصلا

نت عادى خالص بردوه

تليفون بسلك ولا من غير سلك

موبيل بخط ولا من غير خط اصلها تفرق

سيارات بعجل ولا من غير

مين احب اصحابك لقلبك سواء متواجد فى المنتدى او مش متواجد؟مين سر متولى ؟

على فكره جوبت قبل كده على السؤال ده سر متولى اختى

لحظه حز ن لمتولى ؟

لما نهى اتخطبت

لحظه سعاده ؟

لما اتفشكلت

حد من زمايلك واصدقائك شاركك فرحك وحزنك دا اكيد مين ااقرب واحد كان معاك وجنبك؟

حسن السلامونى

متولى راجع تانى استنانى سلام متتأخرشى

عدل سابقا من قبل مسلم في 5/2/2011, 9:37 pm عدل 1 مرات

ابو ترك

اشطه يا معلم

اتظاهرت انهارده ولا لا ؟

لا

رايك ان المظاهرات بداءت تؤتى ثمارها ؟

حاجات بسيطه الى جنتها المظاهرات الى الان

لسه مخلصتش فى العروسه ولا ايه ؟

لسه شويه انتا مستعجل اوى كدا ليه

ممكن توصف لنا العروسه ولا شكلك هتاخد مقلب ؟

هى انسان هاديه محترمه جداً مش طويله ولا قصيره رفيعه حسنة المظهر

بتحب صوت مين بصرااااااااااااااااااااااااااااااااحه اوعى تكذب ؟

بحب صوت وحده فى تلبانه اوى بس مش هقولك اسمها

انت انسان انطوائى ولا بتتعامل مع الناس ؟

انا انسان اجتماعى جداً وبحب اتعامل مع الناس كلها

كان نفسك تدخل كليه ايه ؟

كليه هندسه

كلمنى كده عن مجلس ادارة الاوضه ؟

اداره الاوضه
المدير العام للاوضه عبد العزيز خفاجى
المشرف العام حسن السلامونى
المشرف المميز محمد عبده
وباقى اعضاء الاوضه كتيييييير وانتا عرفهم

والانتخابات اللى جايه امتى ؟

بعد انتهاء الثوره

خد دول على ما اجيلك

اوك

مين هو الشخص الي متقدرش ترفض له طلب ؟

اختى

? باقة ورد لمن تهديها

لولدتى

اذا اردت ان تبكي الان , فعلى من تبكي؟

ابكى على نفسى

هل تمنيت فى يوما ان تكون بنت؟ ولماذا ؟

لا لانها عمرها مخطرت فى بالى ولا هفكر فيها اصلا انتا اهبل

كم مرة تنازلت عن مبادئك من اجل امرأه !! ؟

ولا مره

ياترى اية هى امنيتك اللى اتحققت وامنيتك اللى لسة مش اتحققت ؟

امنيتى الى اتحققت انى خلصت تعليم واتخرجت وامنيتى الى متتحققيشى انى اتجوز واشتغل والاهم انى اسفر ولدى وولدتى للحج

عبر عن نفسك بثلاث صفات ؟

هادى صادق طيب

ا اكتر يوم بتحبيه هو ايه ؟ وليه؟

يوم الجمعه لانه اجزه

عمرك انجرحت من حد؟ ولد ولا بنت؟ كلمه ولا فعل؟

ايوه

ا ايه رايك فى المنتدى بصراحه؟

حماده

عايز تكون مشرف قسم ايه فى المنتدى ؟

مش عايز اكون مشرف لاى قسم

ا ايهما اهم فى حياتك......الشهاده الجامعيه ولا الزواج بمن تحب؟

الزواج بمن احب

بتحب الاخوان ؟لو بتحبهم بتحبهم ليه ولو بتكرههم بتكرههم ليه؟

مش بحبهم ولا بكرهم

هل تؤيد الصداقة بين الولد والبنت؟

لا

ا أوصف المتولى فى 5 كلمات بس؟

مكرر

تملى معاك.......تقولها لمين؟

ولا اى حد

صدقنى خلاص.......تقولها لمين؟

هو انا كنت كداب هههههههههههه
ايه الاسئله دى يا شريف

االله يسامحك............تقولها لمين؟ وليه؟

لحد قريبى لانه ظلمنى

كان نفسك تدخل كليه ايه؟

مكرر
ا ايه رأيك فى الكليه اللى انتى كنت فيها؟

كليه جميله وبجد كنت بحبها جدا

ا افضل سن للزواج بالنسبه للولد.....وافضل سن بالنسبه للبنت؟

سن زواج الولد 21 والبنت 16و17

ا اسم مين فى المنتدى تتمنى تغيره؟

طلحه

ايه رأيك فى زواج الاقارب؟

عادى بالنسبه ليه من الاحسن

صباح الفل يا كبيييييييييييييييييييييييييييييييير
اولا معلش علشان جاي متاخر بس كنت ناسي الباسورد ههههههههه حاجه تكسف مش كده
المهم متووووووووووو ابن عمتي (اسيحلك) ولا ..............

(1)-ليه لما بشوفك وقت الامتحانات ببقي متفائل ايه السر هههه

(2) اكتر حاجه بتكرها في حياتك من الولد والبنت( كل واحد علي حده)

(3)بكل صراحه اه او لا
ا)انت بخيل
ب)خبيث
ج)حنون
د)منافق
ذ)صادق
ه)جدع
ث)قاسي

(4)اكتر حاجه زعلتك من واحد صاحبك مع ذكر الاسم
(5)اكتر حاجه ممكن تجرحك
(6)ممكن الواحد يكذب في بعض المواقف ليه لما واحد صاحبك تعرف انو كذب عليك في حاجه بتزعل منه
(7)هل انت من النوع الا بخون الناس علي طول
( Cool

من اي القلوب انت
(9)ما هي شكل العلاقه المفضله لك مع اي شخص(للتوضيح (كوميديه او جديه او .........)وهكذا
(10)ما هو سبب سكوتك علي طول
(11)مين اكتر واحد في صحابك تتوقع انو ممكن يبيعك في موقف من المواقف
(12)ايه رايك في موقف حسن وخالد حماد من جانب القضيه المصريه

ازيك يا برنس

اخبار الكرسى ايه

لسه رجليه مكسوره ولا عاد كويس

ماذا تقصد بأن شريف عايز يعمل نفسه مثقف؟

بلأمانه انتا وصفت العروسه وصف صحيح ؟

طب مين الحلوه الى صوتها عجبك اوى كده ومش عاوز تقولى عليها ؟

بترشح مين لمجلس اداره الاوضه فى الانتخابات الى جايه ؟

مين الصديق الى جيه فى وقت وحسيت انه ندل اوووووووووووووووى قول بصراحه ؟

مين الصديق الى لما تكون مزنوق ومحتاج فلوس بتفكر فيه على طول ؟

انتا من ال عقل ماذا تمثل لك هذه العائله ؟

هل انتا فخور بكونك من عيلة عقل ؟

من وجهة نظرك الافضل فى تلبانه اننا نرشحه فى الانتخابات الى جايه ؟

وقت غروب الشمس بيمثل ليك ايه ؟

امته حسيت ان رحمة ربنا وسعت كل شىء؟

امته حسيت ان ربنا واقف جمبك فى موقف معين وعديت منه بسهوله؟

ماذا يمثل لك
اسامه بن لادن
جيفار
غاندى
جمال عبد الناصر
نيلسون مانديلا
صدام حسين
حسن نصرالله
الامام الخمينى
جورج بوش
شكسبير
ارسطو
محمد الفاتح

صباح الفل يا كبيييييييييييييييييييييييييييييييير

صباح العسل ياعلى

اولا معلش علشان جاي متاخر بس كنت ناسي الباسورد ههههههههه حاجه تكسف مش كده

اه بصراحه تكسف اوى يا على

المهم متووووووووووو ابن عمتي (اسيحلك) ولا ..............

بنورك يا ابن خالى

(1)-ليه لما بشوفك وقت الامتحانات ببقي متفائل ايه السر هههه

عشان انا اكبر منك ومجرب عنك وعارف نظام الكليه انتا لسه صغير مش عارف حاجه مش بعرفك ايه المواد الصعبه والمواد السهله واعرفك الدكاتره

(2) اكتر حاجه بتكرها في حياتك من الولد والبنت( كل واحد علي حده)

من الولد انه يكون دلدول للبنت
من البنت انها تكون شيفا نفسها حاجه وهى اصلا ولا حاجه

(3)بكل صراحه اه او لا
ا)انت بخيل
لا
ب)خبيث
لا
ج)حنون
اه
د)منافق
لا
ذ)صادق
اه
ه)جدع
اه
ث)قاسي
لا

(4)اكتر حاجه زعلتك من واحد صاحبك مع ذكر الاسم

انه تجاهلنى علاء الصاوى

(5)اكتر حاجه ممكن تجرحك

الخيانه

(6)ممكن الواحد يكذب في بعض المواقف ليه لما واحد صاحبك تعرف انو كذب عليك في حاجه بتزعل منه

عشان المفروض انه يصرحنى بكل شىء وانا اتفهم الموضوع ومش هزعل لو كان الموضوع محرج لانى هتفهن الموضوع

(7)هل انت من النوع الا بخون الناس علي طول
( Cool

من اي القلوب انت

لا عمرى ما خنت حد بقصدى الا ان كان طلب منى طلب وانا اغفلت عنه ونسيت ودى متعتبرشى خيانه

(9)ما هي شكل العلاقه المفضله لك مع اي شخص(للتوضيح (كوميديه او جديه او .........)وهكذا

انا بتعامل مع اى شخص ان كان كومدى او جد وقت الجد جد ووقت الكومدى كومدى ووقت الشغل شغل وهكذا

(10)ما هو سبب سكوتك علي طول

بقولك السكوت من دهب والكلام من فضه
وانا مبكلمشى الا وقت الازم والوقت الى مطلوب منى اكلم مش اكلم على الفاضى والمليان

(11)مين اكتر واحد في صحابك تتوقع انو ممكن يبيعك في موقف من المواقف

علاء الصاوى

(12)ايه رايك في موقف حسن وخالد حماد من جانب القضيه المصريه

بصراحه دول شوية تييييييييييييييييييييت
ومكنتش اتوقع من خالد كده

ازيك يا برنس

اهلا اهلا بعالم سمسم

اخبار الكرسى ايه

لسه رجليه مكسوره ولا عاد كويس

لسه برده يا محمد

ماذا تقصد بأن شريف عايز يعمل نفسه مثقف؟

يا عم انا كنت بهزر انا اقدر اغلط فى شريف ده حبيبى دا هو ابو الثقافه كلها

بلأمانه انتا وصفت العروسه وصف صحيح ؟

انتا عاوز ايه يعنى اجبهالك تشوفها يعنى

طب مين الحلوه الى صوتها عجبك اوى كده ومش عاوز تقولى عليها ؟

وانتا مالك انتا غلس يا جدع كدا ليه

بترشح مين لمجلس اداره الاوضه فى الانتخابات الى جايه ؟

المدير العام طبعاً مش اقدر استغنا عنه معالى الوزير
المشرف العام ده بق اختيار باقى الاعضاء

مين الصديق الى جيه فى وقت وحسيت انه ندل اوووووووووووووووى قول بصراحه ؟

منا قولت قبل كدا علاء

مين الصديق الى لما تكون مزنوق ومحتاج فلوس بتفكر فيه على طول ؟

حسن السلامونى

انتا من آل عقل ماذا تمثل لك هذه العائله ؟

علتى بس بصراحه مليش خلطه بالعقلوه

هل انتا فخور بكونك من عيلة عقل ؟

اكيد

من وجهة نظرك الافضل فى تلبانه اننا نرشحه فى الانتخابات الى جايه ؟

بصراحه مفيش حد

وقت غروب الشمس بيمثل ليك ايه ؟

بكون لسه صاحى من النوم مبخدشى بالى اوى بيمثلى ايه

امته حسيت ان رحمة ربنا وسعت كل شىء؟

لما سمعت قصة الشخص الذى قتل 100 نفس وقال هل لى من توبه
فتاب عليه ربه وادخله جناته
فعلمت ان رحمة ربى وسعت كل شىء

امته حسيت ان ربنا واقف جمبك فى موقف معين وعديت منه بسهوله؟

لما دخلت مره الامتحان ومكنتش مذاكر خالص الا حجات بسيطه جداً وربنا وفقنى وحليت الاسئله كلها وبجد الماده الوحيده الى جبت سنتها فيها امتياز

ماذا يمثل لك
اسامه بن لادن
من احب الشخصيات اليه لانه ترك اهله وماله وخرج يجاهد فى سبيل الله ويقف فى وجه اليهود
جيفار
كافر ملحد للديانات السماويه
غاندى
اسخم وادل
جمال عبد الناصر
زعيم الامه
نيلسون مانديلا
شخصيه مميزا نادا بالمساوه وعدم التفرق بين البشر والالوان
صدام حسين
القائد البطل
حسن نصرالله
شيعى بس اقل حاجه
الامام الخمينى
شيعى
جورج بوش
كافر وظالم
شكسبير
واخد اكتر من حقه مع ان فى مصر احسن منه فى الادب مليون مره
ارسطو
استاذ الفلسفه
محمد الفاتح
انه بس فاتح القسطنطينيه

ازيك ياسى المتولى
خد دول
انتا بتقول ان اكتر وقت زعلت فيه لما نها اتخطبت واسعد لما اتفشكلت طب ليه مابتتقدمش ليها طالما بتحبها وانتا مش لاقى عروسه تتجوزها

مين اكتر بنت اعتزيت يها من الى انتا عرفتهم ومين اجمل صوت فيهم واحلى جسم وشفايف
طالما انتا بتح نهى للدرجادى انتا اعترفت ببحبك ليها ولا لأ وهيا كانت رد فعلها ايه لو كنت اعترفت
والحب ده كان من طرف واحد ولا فيه قبول

انتا لو ماعترفتش ليها بحبك مااعترفتش ليه

مين الى كانت تقولك انت جايبنى هنا عشان (اممممممم) وبس ما كنت بتقالها

مين الى اخترع البقر ه اكلت الخص
انتا كنت بتحب اول وحده من الى ارتبط معاهم من الشله الى انتا عارفها
بتاعه الزنبيل

شكلك هاتتجوز من الزمببيل
ايه رايك فى حسن السلامونى

انتا لسه بتكلم الى انتا عارفه e ولا لا

لو راكب سياره مع حسن السلامونى ونهى وحصل حادث وفى يدك تنقذ واحد فقط تختار مين

بتحب ابوك اكتر ولا امك
اذا تم تعيينك ملك لجميع البلاد العربيه فما اول قرار ستتخذه ؟
.حكمة
تؤمن بها جدا؟؟
ماهو اجمل اسم لولد واجمل اسم لبنت من وجهة نظرك؟
ماذا
تفعل اول شيء اذا ربحت مليون ؟
.هل انت من لديهم رغبة حب التملك واذا
تملك الشيء اصابه الملل منه ؟
اعتذار تقدمه لمن ؟
كيف

يقيس المتولى قوة حبه لشخص ما

ازيك يا اكشر

حبيب قلبى والله وانتا عارف كدا ومقدرشى استغنا عنك

يا ريت اسئلتى متكونشى تقيله عليك ربنا معاك يا صاحبى
قابل يا عم ...............................................

1_ خطوط حمراء لا تسمح لاحد ان يتجاوزها معاك؟
2_ اول حروف من اسم حبيبتك رباعى ؟
3_ هل انتا راضى عن نفسك ؟
4_ اكتر واحد من اصحابك حاسس انه قوى .....واكتر واحد حاسس انه ضعيف ؟
5_ موقف غير تفكير حياتك ؟
6_ ليه مبتغيرشى الدى فى دى بتاعك مع انه بايظ ...وبتشحت بتاعى مع انه بايظ بردوه؟
7_ مين اكتر ممثله بتعجبك وتهدك .....شيف انها مملكه قدامك؟
8_ حكمه بتؤمن بها ؟
9_ صفه فيك مبتحبهاش؟
10_ المتولى بصراحه (مغرور _كداب _منافق _نصاب _ بكاش _متكبر)؟
11_ اصعب امتحان قابلته فى حياتك؟
12_ صفه واحد بتحبها (طيب _حنون _ذكى _صادق_حساس ) ؟
13_ اكتر شىءاو صفه تحب تشوفها فى شريكه حياتك ؟
14_ اكتر رقم بتفرح لما يرن عليك ....واكتر رقم بتزعل لما يرن عليك وممكن نعرفهم ؟
15_ انسان عمره ما زعلك وانسان متقدرشى على خصامه ؟
16_ مين اكتر واحد صاحبك مبترفضشى له طلب ؟
17_ شخصيه تتمنى تكون زيها ؟
18_مدرس استفدت منه كتير فى حياتك ؟
19_ احلام ممكن تحققها ....... واحلام مستحيل تحققها ؟
20_ لحظه خايف منها اوى ؟
21_ السعاده بالنسبه لك فى ايه ......وهل بتعمل كدا ؟
22_ كام واحده كلمتها فى حياتك ......... ومين اكتر وحده اتعلقت بها وليه؟
23_ اكتر اغنيه بتحب تسمعها ...لمين ؟
24_ شخص لو غاب عنك تتغير حياتك ؟
25_ رايك فيا ايه ؟

هو سؤال واحد ......
متولى هو الكرسى خرزان ولا متنجد

"قاضى الحق"ازيك ياسى المتولى
خد دول
انتا بتقول ان اكتر وقت زعلت فيه لما نها اتخطبت واسعد لما اتفشكلت طب ليه مابتتقدمش ليها طالما بتحبها وانتا مش لاقى عروسه تتجوزها
لانها اتفشكلت يومين على ما اظن ورجعو لبعض تانى وده حوالى من سنه وسعتها مكنتش مستعد للخطوبه

قاضى الحق

مين اكتر بنت اعتزيت يها من الى انتا عرفتهم ومين اجمل صوت فيهم واحلى جسم وشفايف
طالما انتا بتح نهى للدرجادى انتا اعترفت ببحبك ليها ولا لأ وهيا كانت رد فعلها ايه لو كنت اعترفت
والحب ده كان من طرف واحد ولا فيه قبول

انتا لو ماعترفتش ليها بحبك مااعترفتش ليه

اكتر وحده اعتزيت بها هى نهى
وطبعا كان فى نهى كل حاجه حلوه وكنت شيفها اجمل حاجه
اعترفت لها من زمان بس ردها اننا زى الاخوات بس بعد كده العلاقه اتحسنت اوى الايام الاخيره فى الثانوى وايام الكليه
وبعديها اتخطبت

قاضى الحق مين الى اخترع البقر ه اكلت الخص
انتا كنت بتحب اول وحده من الى ارتبط معاهم من الشله الى انتا عارفها
بتاعه الزنبيل

اول من قال البقره كلت الخص

محمد ابن عمى

وانا على فكره محبتشى حد من الزمبيل

قاضى الحق شكلك هاتتجوز من الزمببيل
ايه رايك فى حسن السلامونى

ا نتا لسه بتكلم الى انتا عارفه ولا لا

كل شىء قسمه ونصيب والى كاتبه لى ربى هشوفه من الزمبيل من اى حته مش فارقه

حسن ده اكتر من اخويه
التوينز بتاعى يا غبى يا اعز صديق ليه

لا انا مكلمشى حد يا شريف

قاضى الحق لو راكب سياره مع حسن السلامونى ونهى وحصل حادث وفى يدك تنقذ واحد فقط تختار مين

هختار طبعاً حسن

بتحب ابوك اكتر ولا امك

امى

اذا تم تعيينك ملك لجميع البلاد العربيه فما اول
قرار ستتخذه ؟

قرر اعدام شريف سعد سليمان (قاضى الحق)

.حكمة
تؤمن بها جدا؟؟

الوقت كالسيف ان لم تقطعه مزعك

ماهو اجمل اسم لولد واجمل
اسم لبنت من وجهة نظرك؟
ماذا
اجمل اسم ولد محمد واجمل اسم بنت مريم

تفعل اول شيء اذا ربحت مليون ؟

هتجوز على طول هى محتاجه تفكير

.هل
انت من لديهم رغبة حب التملك واذا

تملك الشيء اصابه الملل منه ؟

لا

اعتذار
تقدمه لمن ؟

حسن جمعه

كيف
يقيس المتولى قوة حبه لشخص ما

بدرجه اشتياقى اليه ومد تعلقى بيه والرغبه فى ان يكون موجود دائماً معى

معالى الوزير
ازيك يا اكشر
اهلا بيك يا زيزو

حبيب قلبى والله وانتا عارف كدا ومقدرشى استغنا عنك
وانتا كمان والله

يا ريت اسئلتى متكونشى تقيله عليك ربنا معاك يا صاحبى
قابل يا عم ...............................................
برحتك يا زيزو

1_ خطوط حمراء لا تسمح لاحد ان يتجاوزها معاك؟

انه يغلط فيه بأى لفظ يسىء ليه ولعلتى

2_ اول حروف من اسم حبيبتك رباعى ؟

ن أ ع معرفش

3_ هل انتا راضى عن نفسك ؟

لا

4_ اكتر واحد من اصحابك حاسس انه قوى .....واكتر واحد حاسس انه ضعيف ؟

زيزو ......ابو جمعه

5_ موقف غير تفكير حياتك ؟

لما انسان ان بقدم له ايدى بالخير وبقدم له النصيحه يغلط فيه ويقولنى كلام مقولتوش وكره ناس تانيه فيه ويزعل منى يبقى خلانى اغير تفكيرى خالص

6_ ليه مبتغيرشى الدى فى دى بتاعك مع انه بايظ ...وبتشحت بتاعى مع انه بايظ بردوه؟

انا بردوه مين الى بياخد بتاع التانى يااااااااااااد

7_ مين اكتر ممثله بتعجبك وتهدك .....شيف انها مملكه قدامك؟

سيرين عبد النور

8_ حكمه بتؤمن بها ؟

الوقت كالسيف ان لم تقطعه مزعق

9_ صفه فيك مبتحبهاش؟

التسامح

10_ المتولى بصراحه (مغرور _كداب _منافق _نصاب _ بكاش _متكبر)؟

بكاش بس حاجه بسيطه

11_ اصعب امتحان قابلته فى حياتك؟

انى اتهم بالظلم والكدب امام ناس كبيره واقعد فى قعده والحمد لله نجحت فيه

12_ صفه واحد بتحبها (طيب _حنون _ذكى _صادق_حساس ) ؟

طيب

13_ اكتر شىءاو صفه تحب تشوفها فى شريكه حياتك ؟

الوفاء

14_ اكتر رقم بتفرح لما يرن عليك ....واكتر رقم بتزعل لما يرن عليك وممكن نعرفهم ؟

رقم فتحى الاكشر بس ده سعودى .........احمد السعيد

15_ انسان عمره ما زعلك وانسان متقدرشى على خصامه ؟

مفيش حد ما زعلنيش حسن السلامونى

16_ مين اكتر واحد صاحبك مبترفضشى له طلب ؟

عبد العزيز (معالى الوزير)

17_ شخصيه تتمنى تكون زيها ؟

حجازى محمد يوسف شريف

18_مدرس استفدت منه كتير فى حياتك ؟

محمد الالفى

19_ احلام ممكن تحققها ....... واحلام مستحيل تحققها ؟

انى اسفر ولدى وولدتى للحج واتجوز واخلف وحجات كتير بس بأذن الله .......انى اجوز نهى واكون حاكم او زى سلطه

20_ لحظه خايف منها اوى ؟

لحظه الوقوف بينا يدى الخالق

21_ السعاده بالنسبه لك فى ايه ......وهل بتعمل كدا ؟

انك تكون مرتاح نفسياً ومحبوب من الجميع ومفيش حد ببغضك ........... بحاول

22_ كام واحده كلمتها فى حياتك ......... ومين اكتر وحده اتعلقت بها وليه؟

بتعرف تعد لما لكام
ههههههههههههههههه
شوف هتوصل لكام
اتعلقت بنهى لانها هى الانسان الوحيده الى حبتها

23_ اكتر اغنيه بتحب تسمعها ...لمين ؟

انت عمرى ...... لام كلثوم

24_ شخص لو غاب عنك تتغير حياتك ؟

المتولى

25_ رايك فيا ايه ؟

انك طيب جدع راجل صاحب صحبه
لكاك شويتين بتحب انك تكون انتا بس الى ظاهر

معالى الوزير

هو سؤال واحد ......
متولى هو الكرسى خرزان ولا متنجد

الكرسى مش باين له معالم خالص يا زيزو ربنا يسهل ويطلعنا منه على خير

بسم الله الرحمن الرحيم

منور الدنيا

بجد انا هحسدك على حب اصحابك ليك ايه ياابنى دا محدش عاو يسكت خلاص بص بقا انا هكون جدع معاك

خد حاجه كدا

ما تفعل لو امتلكت زر deletفى الحيـــــــــــــــــــــــــــــــــــــــــــــــــــــــــــــــــاه؟

هل انتا من محبى سماع القرأن الكريم ؟

اتحب تسمع لمين من الشيوخ ؟

اا فضل رحله طلعتها انتا وزمايلك كانت فين وامتى ؟

ومين كان اللى قاعد جنبك ؟

تتمنى تكرار ايه فى حياتك ؟

متولى توجه الكلام دا لمين من الاعضاء من غير كسوف مفيش زعل ماتخفش

ارحمنى طهقتنى خنقتنى

بحبك ومن غيرك انا وحيد

مش هطول عليك الشباب قايم بالواجب
فترتك معانا مطول ماتخفش

والنبى اسئلة شريف دى اسئله .............ماعلينا
خد دول

ناوى
تتجوز امته بالظبط؟حدد يوم؟
ايه رايك فى الاخوان؟
الشيعه؟
الاحزاب؟
الحزب
الوطنى؟
عمرك فكرت تنضم لحزب او جماعه؟ نعم ليه ولا ليه؟
ايه رايك
فى اسئلة شريف؟
روحت المظاهرات كام مرة؟
انت شايف ان الرئيس هيتنحى؟
وانت
رايك ايه ؟ يمشى ولا يكمل فترته؟
عايز تسافر فين؟
انتخابات الاوضه
امتى؟ وياترى هتكون نزيهه ولا كوسه كالعاده؟
وجه نصيحه لهؤلاء الاعضاء
محمد
عبده
اسلام عبد المنعم
عبد العزيز
علاء
محمد خطاب
الماسه
قطرة
الندى
وانا بقى
شوف دول على ما ارجعلك

اسم تعتز بيه ( دلع ) يناديك به اصدقاءك

قطعة فحم وجدار نظيف ماذا سترسم عليه،وماذا ستكتب تحت الصورة؟

هل انت مع العبارة الذى تقول (لايوجد كرامة بالحب) ؟ ولماذا ؟؟

هل ظلمت حد قبل كدة ؟ وعملت اية لما اتاكدت انك ظلمتة ؟ وهل سامحك ولا لاء ؟

فى اى قرار تتخذة هل تحكم قلبك ام عقلك ؟؟اى التعبير الذى يناسبك ؟

لمن تقدم حياتك على طبق من دهب ؟؟
هل تعتقد ان حظك سيئ؟
متى اخر مره بكيت؟
طيب ياعمنا بتصلى صليت كام ترويح فى رمضان الى فات وكام فجر ؟
عاوز مين اللى يجى على الكرسى بعدك من الاولاد ومن البنات؟

صفه فيك تكرهها ؟

اكثر شئ يعصبك؟

اكثر شئ يخوفك؟

من مثلك الأعلى؟

تجربه مريت بها وودك تكررها؟

- تشعر بان بداخلك ميزة تميزك عن باقى البشر ما هى؟
اعتذار الرجل للمرأه ذل أم احترام للذات ؟؟

اعتذار الرجل للمرأه ذل أم احترام للذات ؟
قولى يامتولى
يومك النهارده عامل ازاى ؟
نوع الموبيل اللى حضرتك شايله ؟
جريمة تتمنى أرتكابها؟

ايه الاغنيه المفضله عندك؟

ايه بيت الشعر المفضل عندك؟

معاك خمس وردات تهديهم لمين في المنتدي؟

راجعلك تانى

ا

لسلام عليكم ورحمة الله وبركاته

اخبارك يا كبير

لسه الكرسى مش عاجبك

انا جبت لك شوية اسئله على كيفك

شايف مصر ازاى فى المستقبل ؟

ايه رايك فى دور الاعلام المصرى تجاه الثوره ؟

راضى عن دورك تجاه الثوره ؟

تقول ايه لشباب الموجودين فى التحرير ؟

رايك ايه فى تجارة المخدرات الموجوده فى بلدك ؟

[font=Courier New]ازيك ياميتو
انا هاسئلك شويه
انتا ليه دخلت الامتحان بدال واحد مع انك عارف ان ده حرام وبرده تزوير قضيتين وسجن عى طول
وانتا ماكنتش بتزاكر لنفسك ورايح مكان واحد؟

هل لو انتا مكان الواحد ده الى انتا دخلت مكانه كان ممكن يعمل الى انتا عملته؟
لو كنت اتمسكت كنت هاتعمل ايه؟
انتا مش شايف ان ده حرام؟

[/font]

ههههههههههههههههههههههههههههههههههههههههههههههههههههههه؟؟؟

جاوب يا ريس

انت المهم الوقتى صحتك عامله ايه ؟

قولى بما إنك خريج جديد ناوى تعمل ايه الفتره الجايه ؟

وانت بجاوب على السؤال دا تتوقع كام واحد هيجتمعوا عندك النهارده ؟

قولى وجهة نظر سيادتك لو حدث أمامك المواقف التاليه :
أتنين إصحابك زعلوا من بعض ادامك تعمل معاهم ايه ؟

لو ادامك فرصة سفر واللى حضرتك بتحبها رافضه ....بالرغم ان السفريه مستحيل تتعوض هتعمل ايه ؟

لو واحد من إصحابك عمل معاك موقف بايخ أو ناداك بأسم متحبوش هتعمل أيه ؟

أنت قاعد تتعشه فى أمانة الله أنت و3 أصحابك والأكل كان كتير ومكفى وكله تمام ......وفجأه قمتم كلكم جعانين تتخيل من من الرابع اللى جاء عمل فيكم كدا ؟

طب نسيبك شويتين ونرجعلك بس متنساش تجاوب على السؤال دا هههههههههههههههههههههههههههههههه؟؟؟؟؟

» كرسى الاعتراف
» ترشيحات كرسى الاعتراف
» العوضى memetعلى كرسى الاعتراف
» أسئلة عن الصيام .. تهم كل مسلم ومسلمة
» حصريآ:كتاب (صحيح مسلم) كـــــــامـــــــل بحجم 5 ميجا فقط و على أكثر من سيرفر