تعالو كده اخد رايكم ف حاجه

موضوع: تعالو كده اخد رايكم ف حاجه 2/10/2010, 5:26 pm

صباح الورد ع عيون احلى اعضاء

بصو بقى يا حلوين ف موضوع كده عايزة اتكلم معاكم فيه

هى مشكله كده قابلتنى ف احد المنتديات وعايز اخد رايكم فيها

طبعا احنا ف اى منتدى لازم يجمع بينا الاحترام لبعض

ولازم نخاف ع بعض لكن للاسف ايلى حصل غير كده خالص

فيه شاب بس مش هقدر اقول عليه محترم لانه ميعرفش اى حاجه عن الاخلاق

الشاب ده للاسف بيلعب بقلوب البنات الصغيرة وبيختار سن صغنون

عشان يقدر يسيطر عليهم لكن انا مش عارفه بيعمل كده ليه

ممكن يكون عنده نقص ف شخصيته او معندوش اخلاق اساسا

الشاب ده كل فترة يقول لبنت ويفهما انه بيحبها ويحاول يستغل حبها ده

وممكن يعرف اكتر م بنت ف نفس الوقت بس ازاى معرفش

بجد انا مش عارفه اعمل ايه ف المشكله دى بس هو له ضحايا كتير

بس احب اقوله اتقى ربنا انت لك اخوات بنات

الشخص ده من وجهه نظرى قليل الادب

ومعندوش قلب اصلا

وربنا ينتقم منه

طيب عايزة اشوف تفاعل

عشان نوصل لحل يا جماعه

بصي يا ايمي في ناس كتير كدا

يعني زي ما تقولي هو بيتسلي وخلاص

وقدامي والله ناس كتير كدا يا ايمي

بس هتعملي ايه ولو جيتي تتكلمي معاه اقل كلمه تتقال براحتي

وهو بيبقا عندها كل الدنيا يعني مش هنقدر نغير حاجه

بص يامحمد احنا عايزين كل واحد يعامل ضميره

ويراعى ربنا شويه لان كل واحد فينا

له اخت او ام او زوجه او بنت

فبلاش يلعب بقلوب بنات الناس

وبجد ده انسان مريض نفسيا

والبنت بطبيعتها حساسه وبتتأثر باى كلام

وزى ما قلتلك بيختار بنات صغيرة جدا ف السن

اذا كان عليا الحمد لله

انشاء الله يا ايمي للاحسن وربنا يهدي

انا مقولتش انت ومحددتش اشخاص

انا بناقش مشكله وعايزة حل

حاولو تساعدونى

ااقولك الحل هو اولا انسان مريض يعنى الحل ان الكل يبعد عنه علشان مايتعداش منه

ودا الحل الوحيد ان لازم نبعد عنه

اوووووووو ماى جد

موضوع في غايه الاهميه ومنتشر كتير جدا يا ايمي

بصي يا حبي

اولا الشخص الي يعمل كده يكون ضميره ميت

وتخيلي معايا كده لما يكون ضميره مات اكيد سهل عليه يعمل اى حاجه وكمان الانسان لو ضميره مات بيكون حيوان واقل كمان

ثانيا الي يعمل كده بيكون ناسي ان ربنا موجود ناسي ان الله يمهل ولا يهمل ناسي كما تدين تدان ناسي ان عنده اخوات بنات وحتى لو

مش عنده اخوات هيكون برضه له بنات لما يتجوز دا اذا اتجوز واحده تصونه لان ربنا هيردهاله

ثالثا الصنف ده ميكنش راجل لان الراجل الي بجد بجد هو الي لما بيقول حاجه بينفذها وبيكون صادق في كلامه وزي مبتقولى انه

بيكدب ع البنات وخصوصا الصغيرين فكده يكون راجل ازاى؟؟

رابعا هتعدي الايام وهيكون وحيد ومش هيلاقي حد جنبه لان الناس هتكون كشفته ع حقيقته

خامسا لو ربنا منتقمش منه في الدنيا فمش هيعدي بقى في الاخره

thanks

برافو عليكى يا منى

انت جبتى م الاخر

تمام يـامنى .. مفيش كلام هيتقال بعد كده

ربنا يهدى الناس ياارب

ثانكس ايمو ع التوبيك

ميرسى يا يويو ع المرور

ميرسى جدا يا جماعه ع كل م رد عليه

بس فيه ناس ا حب اعرف رايهم

فياريت يدخلو يردو وهما

طبعا مديرنا الجميل محمد جمال

والملاك

وروح قلبى الماسه

صقر الاسلام

قاضى الحق

توتو

واى حد يحب يرد يدخل

بس ياريت الاعضاء دول يشاركونى برايهم

مش هقولك انة انسان واطى او مش محترم ....

لكن الحل اية ...

ممكن تعملى موضوع تحزرى فية البنات .....

او ممكن بصفتك بنت تتكلمى مع مدير المنتدى وتاخدى ايميلات البنات وتحزريهم منة .....

واكيد لوهو المنتدى اصلا كويس مكنش المدير سمح للأى عضو انة يعمل كدة ...

وربنا اكيد هيجازيكى خير على دة .....تقبلى مرورى ...

ايوة فعلا صح

لازم اكلم المدير يوقف العضو ده

واضح ان الناس مش عايزة تقول رايها

وانا غلطانه ان طرحت عليكم مشكله

هو صح يا ايمي ع راي احمد ممكن تعملي توبيك تحزري فيه البنات

بس اكيد المدير تكلميه علشان الشخص دا يتطرد من السايت

بس المشكله هتفضل هيا هيا وهيكلم بنات من برا السايت يعني

بصراحه يا ايمي مش عارف

هو اكيد ربنا هينتقم منه ف حد قريب له اوى

فيعرف ان ده ذنب ايلى ظلمهم

خلاص يا ايمي مش تزعلي نفسك انشاء الله ربنا هو الي هيخلص

هو انا مش صعبان عليه غير البنات دى

المشكله انه بيخاف منى وبيعملى حساب

ولو حطيته ف دماغى هخليه يكره نفسه

بس هو معملش فيه انا حاجه ولا يقدر اساسا

وبعدين ده بالنسبه ليه عيل وتافه كمان

ههههههههههههههههههههههههه

يا جامد انت

اه والله يابنى انا موقفه كل واحد عند حده

وكل واحد له خط احمر عندى واسال ايلى يعرفونى

طيب اذا كان كدا ماشي

بس والله انتي عثل اوي يا ايمي

هههههههههههههههههه

تسلم يا قمر

انت ايلى عيونك حلوة

بجد مش عارف اقولك ايه

ربنا يخليكي يا ايمي وميرسي ع زوقك Embarassed

اولا تسلم ايدك ع الموضوع
ثانيا
ياريت تحددى البنت دى سنها اد ايه بالظبط
او البنات دى عموما
لانها لو سنها مثلا من 13 ل 15 ممكن فعلا يضحك عليها
لكن لو سنها مثلا من 16 ل 19 فمستحيل يضحك عليها الا لو كانت هيا اللى عايزة فعلا يضحك عليها لانها مش صغيرة
اما لو كانت فوق 20 سنه فممكن يضحك عليها ودى بتحصل واعرف ناس كدا فعلا مفكرين نفسهم صعب يضحك عليهم لكن للاسف بيكونوا فريسه سهله جدا
فيريت ياايمى تحددى السن عشان نوصل لحل ميكونش كلام عشوائى

M_GAMAL 7 كتب:: اولا تسلم ايدك ع الموضوع
ثانيا
ياريت تحددى البنت دى سنها اد ايه بالظبط
او البنات دى عموما
لانها لو سنها مثلا من 13 ل 15 ممكن فعلا يضحك عليها
لكن لو سنها مثلا من 16 ل 19 فمستحيل يضحك عليها الا لو كانت هيا اللى عايزة فعلا يضحك عليها لانها مش صغيرة
اما لو كانت فوق 20 سنه فممكن يضحك عليها ودى بتحصل واعرف ناس كدا فعلا مفكرين نفسهم صعب يضحك عليهم لكن للاسف بيكونوا فريسه سهله جدا
فيريت ياايمى تحددى السن عشان نوصل لحل ميكونش كلام عشوائى

ههههههههههههههههههههههههههههههههههههههههههههههه

يعنى 13 او 15 يضحك عليها

لكن 16 او 19 لا

و20 يضحك طيب ازاااااااااااااااى

هو عقل 16 اكبر من 20

قول كلام افهمه

بصى ياايمى انتى فاهمه كويس جدا
وبعدين البنت اللى بتعدى سن 20 بتكون بدأت تفكر انها مش مقبوله(معظم البنات) وفرصتها فى الجواز والارتباط اصبحت قليله يعنى ممكن جدا تصدق اى كلمه تتقال لها وعمر الكلام دا ماكان بالعقل البنت ممكن تكون 17 سنه وعقلها اكبر مليون مرة من بنت 25 سنه واقسم بالله انا اعرف ناس كده يبقى مش مقياس ابدا صح ولا لا؟
وبعدين انا موجود اهو قولى هو مين عشان اوقفه

انا قلت انه مش هنا

لو انت بقى حاسس ان فيه حد كده

ف المنتدى يبقى انت مش محتاج اقولك مين

وانت تعرف كل ايلى هنا اكتر منى لانهم شباب بلدك

فانت تصدق انت ممكن حد فيهم يكون كده

شوف انت بقى؟

وبعدين زى ما بتقول لو كلامك صح اى بنت تعدى العشرين

يبقى هو يستغل ده

يبقى معندوش لا اخلاق ولا ضمير

كمان مش قاعده ان البنت تعدى 20 يبقى خلاص

فياريت كل واحد يراعى ربنا ولا انت ايه رايك

يعنى ربنا موجود ف حاجات وحاجات لا

ولا ايه يا محمد

انا معاكى ياايمى والله وانا بقولك معظم البنات وهى مش قاعده ولا حاجه لكن انا بقول اللى بيحصل انه مش مقياس السن خالص
وبعدين مش شرط اننا فى بلد واحده اننا نعرف كل حاجه عن بعض