اكبر دليل على اصالة شعب مصر

موضوع: اكبر دليل على اصالة شعب مصر 15/8/2010, 8:37 pm

موضوع النهاردة جديد من نوعه هنمدح في الشعب المصري علي غير العادة

الشعب المصرى هو الشعب الوحيد الذى يتكلم لغه فريده
لايتكلمها شعب آخر حتى من الشعوب المجاوره....
طبعا....مش اللغه العربيه.....او لغة المال.....اللغة؟؟
::: الهيروغليفيه :::

خد عندك . . .
- عمركو سمعتوا حد بيهدد عياله ( بالبعبع ) غير عندنا ف مصر
- او أم نازله ضرب ف أبنها وتقول له ( كخ ) غير عندنا ف مصر
طب أيه رأيكو أن الكلام ده أصله هيروغليفى.
كلمه( بعبع ) أصلها كلمه ( بوبو ) وهو أسم عفريت مصرى قديم.. .كانو قدماء المصريين يستخدموه لتخويف العيال الصغيرة برضوا
أما كلمه ( كخه ) فهى كلمه هيروغليفيه معناها ( القذاره ) .. !!

- حتى العيال عندنا بيتكلما هيرو غليفى تبص تلاقي الواد الصغير
- لما يجوع يقول ( مم ) وأصلها( أونم ) بمعنى أكل
- ولما يعطش يقول ( أمبو ) وأصلها ( أمبموا ) يعنى أشرب
- والطفل عندنا وهو بيتعلم المشى يقولوله ( تاتا ) خطى العتبه ( تاتا )حبه حبه ( تاتا ) كلمه هيروغيليغيه ومعناها ( أمشى )

وياسلام لما الدنيا تمطر ف الشتا والكل يغنى ويقول
يامطره رخى ..رخى..
(رخى) أصلها ( رخ ) ومعناها نزل .

- وفى الصيف لما نتشوى من الحر..نقول الدنيا
بقت ( صهد ) وصهد بالهيروغليفى معناها ( نار )

ويامحلا الهيروغليفى في أكلنا
- الفول مثلاً عندما يستوى نقول عليه ( مدمس ) وأصلها ( متمس ) عند قدماء المصريين ومعناها سويه الفول !!
دا الموضوع طلع له جذور تاريخيه . =)))))))))))

- أما كلمه ( بصاره) فأصلها ( بيصورو ) ومعناهاالفول المطبوخ
هى...هى بريحتها وتقليتها ولونها